PRATHINIDHI 2 : టాలీవుడ్ హీరో నారా రోహిత్ తన 19 వ చిత్రాన్ని ప్రకటించనున్నట్లు ఇటీవల హింట్ ఇచ్చాడు. చెప్పినట్టు గానే , అతను సినిమా టైటిల్ మరియు ఫస్ట్ లుక్ పోస్టర్‌ను విడుదల చేశాడు.
చాలా మంది ఊహించినట్లుగానే , ఈ చిత్రం అతని 2014 హిట్ చిత్రం ప్రతినిధికి సీక్వెల్. ప్రతినిధి 2 అనే టైటిల్ తో రూపొందుతున్న ఈ చిత్రానికి మూర్తి దేవగుప్తాపు దర్శకత్వం వహించనున్నారు. నటుడి జుట్టు, చేయి మరియు ముఖం న్యూస్ పేపర్స్ తో రూపొందించబడిన ఫస్ట్ లుక్ పోస్టర్ ఆసక్తికరంగా ఉంది. ఈ పోస్టర్ ను బట్టి , ఈ సినిమా కూడా ఒక సామాజిక అంశంతో తెరకెక్కుతోందని తెలుస్తుంది, దీంతో సినిమాపై అంచనాలు పెరిగాయి.
వానరా ఎంటర్‌టైన్‌మెంట్స్ బ్యానర్‌పై కుమార్‌రాజా బత్తుల, ఆంజనేయులు శ్రీ తోట, కొండకళ్ల రాజేందర్‌రెడ్డి ఈ చిత్రాన్ని నిర్మించనున్నారు. మహతి స్వర సాగర్ సంగీతం అందించగా, నాని చమిడిశెట్టి సినిమాటోగ్రాఫర్. ఇంకా ఈ సినిమా కు రవితేజ గిరిజాల ఎడిటర్ గా చేయనున్నారు. కిరణ్ కుమార్ మన్నె ఆర్ట్ డైరెక్టర్ గా పని చేస్తున్నారు.
నటీనటులు, ఇతర వివరాలు త్వరలో వెల్లడికానున్నాయి. ప్రతినిధి 2 జనవరి 25, 2024న థియేటర్లలో విడుదల కానుంది.
