Prabhas: బాహుబలి త‌ర్వాత ప్రభాస్ ఖాతాలో ఒక్క‌టంటే ఒక్క హిట్ లేదు. కాని వ‌రుస సినిమాలు చేస్తూ పోతున్నాడు. ఆయ‌న న‌టించిన ప‌లు చిత్రాలు ఇప్పుడు విడుద‌లకి సిద్ధంగా ఉండ‌గా, ఇప్పుడు ప్రభాస్..ఫ్లాప్ డైరెక్ట‌ర్‌కి గ్రీన్ సిగ్న‌ల్ ఇచ్చిన‌ట్టు తెలుస్తుంది.
ఇందులో అనుష్క క‌థానాయిక‌గా న‌టించబోతున్న‌ట్టు టాక్. ఇదే నిజ‌మైతే దాదాపు ఐదేళ్ల తరువాత ప్రభాస్ – అనుష్క జంటగా సంద‌డి చేయ‌నున్నారు. ఇక ప్రభాస్, అనుష్క ఇద్దరి కాంబో సినిమా కోసం ప్రయత్నిస్తున్న డైరెక్టర్ ఎవ‌రంటే ప్ర‌స్తుతం పవర్ స్టార్ పవన్ కళ్యాణ్ తో హరిహర వీరమల్లు చేస్తున్న క్రిష్ అని స‌మాచారం.
ఈ డైరెక్ట‌ర్‌కి కొన్నాళ్లుగా ఒక్క హిట్ రాలేదు. హరిహర వీరమల్లు సినిమాతో హిట్ కొడితే ప్రభాస్ సినిమా ఆఫ‌ర్ ప‌క్కా అని ఫిలిం న‌గ‌ర్ వ‌ర్గాలు చెబుతున్నాయి. దర్శకుడు క్రిష్, ప్రభాస్ హీరోగా ఒక కథను సిద్ధం చేసి..’బాహుబలి’ నిర్మాతలైన శోభు యార్లగడ్డ – ప్రసాద్ దేవినేనికి వినిపించారట.
వారికి ఆ క‌థ న‌చ్చ‌డంతో సినిమాని నిర్మించేందుకు ఆస‌క్తిగా ఉన్నార‌ని త్వ‌ర‌లోనే దీనిపై ఓ క్లారిటీ రానుంద‌ని అంటున్నారు.
మరిన్ని వార్తల కోసం హోం పేజీ కి వెళ్ళండి | GO TO HOMEPAGE