Prabhas: బాహుబలి సినిమాతో పాన్ ఇండియా స్టార్‌గా మారిన ప్రభాస్ కొన్నాళ్లు గా వ‌రుస పెట్టి సినిమాలు చేస్తున్నాడు. బాహుబలి తర్వాత నుంచి పాన్ ఇండియా లెవెల్లో క్రేజీ ఫాలోయింగ్ అండ్ మార్కెట్ ని తెచ్చుకున్న ప్రభాస్ ఇప్పుడు వరల్డ్ మార్కెట్ పై క‌న్నేసిన‌ట్టుగా క‌నిపిస్తుంది. ఇప్ప‌టికే ప్రభాస్ .. నాగ్ అశ్విన్ తో భారీ సినిమా “ప్రాజెక్ట్ కే” చేస్తుండ‌గా, దానితో పాటుగా మరో రెండు సినిమాలు కూడా వరల్డ్ లెవెల్లో రిలీజ్ కానున్నాయి.
“ఆదిపురుష్” మరియు “సలార్” చిత్రాలు పెద్ద ఎత్తున విడుద‌ల‌య్యేందుకు సిద్ధం అవుతున్నాయి. మొదట ఈ సినిమాలు రెండు కూడా పాన్ ఇండియా ప్రాజెక్ట్స్ గానే అనౌన్స్ కాగా ఇప్పుడు అయితే హాలీవుడ్ రిలీజ్ కి కూడా సిద్ధం అవుతున్న‌ట్టుగా తెలుస్తుంది. మొదటగా దర్శకుడు ఓంరౌత్ అయితే ఆదిపురుష్ ని ఇంగ్లీష్ రిలీజ్ ని కూడా కన్ఫర్మ్ చేయగా ఇప్పుడు సలార్ కూడా ఇంగ్లీష్ రిలీజ్ ఉంటుంది అని స్ట్రాంగ్ బజ్ అయితే వినిపిస్తుంది. దీనితో వరుసగా మూడు సినిమాలు ప్రభాస్ నుంచి ఇంటర్నేషనల్ లెవెల్లో రిలీజ్ కాబోతున్నాయి. వీటితో ప్రభాస్ క్రేజ్ ఏ స్థాయికి చేరుతుందో చూడాలి.