రెబెల్ స్టార్ ప్రభాస్ (prabhas) ప్రస్తుతం నటిస్తున్న వరుస సినిమాల్లో కల్కి 2898 AD సినిమా సైన్స్ ఫిక్షన్ జానర్‌లో భారీ పాన్ వరల్డ్ మూవీగా రూపొందుతున్న సంగతి తెలిసిందే. ఈ చిత్రానికి నాగ్ అశ్విన్ దర్శకత్వం వహిస్తుండగా, ప్రభాస్ తో బాలీవుడ్ నటి దీపికా పదుకొణె నటిస్తోంది.
కమల్ హాసన్ మరియు అమితాబ్ బచ్చన్ నటించిన కల్కి 2898 AD చిత్రం వచ్చే ఏడాది వేసవిలో ప్రేక్షకుల ముందుకు వచ్చే అవకాశం ఉంది. సంతోష్ నారాయణన్ సంగీతాన్నిసమకూర్చగా, వైజయంతీ మూవీస్ అశ్వినీదత్ అత్యంత ప్రతిష్టాత్మకంగా భారీ వ్యయంతో నిర్మిస్తున్నారు.
రీసెంట్‌గా అమెరికాలోని శాన్‌డియాగోలోని కామిక్ కాన్‌లో ఈ సినిమా ఫస్ట్‌లుక్ గ్లింప్స్‌ని విడుదల చేయగా, దీనికి అందరి నుండి సూపర్ రెస్పాన్స్ వచ్చింది. ఈ మూవీ గురించి ఓ ఆంగ్ల పత్రికకు ఇచ్చిన ఇంటర్వ్యూలో భాగంగా హీరో ప్రభాస్ హీరోయిన్ దీపిక పదుకొణె పై ఆసక్తికర వ్యాఖ్యలు చేశాడు.
అందం తో పాటు ఆకట్టుకునే అభినయం తో దీపిక గొప్ప సూపర్ స్టార్ గా ఎదిగింది. ఆమె సెట్స్‌లోకి అడుగుపెట్టగానే అంతా సందడిగా ఉంటుందని , ఆమెతో స్క్రీన్ షేర్ చేసుకోవడం చాలా సంతోషంగా ఉందని ప్రభాస్ అన్నారు. నాగ్ అశ్విన్‌తో పాటు టీమ్ అంతా కష్టపడి చేస్తున్న కల్కి 2898 ఏడి సినిమా మంచి విజయం సాధిస్తుందని ప్రభాస్ ఆశాభావం వ్యక్తం చేశారు.
also read :
Prabhas : ఇండియాకు వచ్చిన ప్రభాస్.. 3 సినిమాలు సెట్స్‌పైనే.. ప్లాన్ ఏంటి ?
horoscope today in telugu : 03-08-2023 ఈ రోజు రాశి ఫలాలు