prabhas: యంగ్ రెబ‌ల్ స్టార్ ప్రభాస్ న‌టిస్తున్న క్రేజీ ప్రాజెక్ట్స్‌లో ఆదిపురుష్ ఒక‌టి. ‘సాహో’, ‘రాధేశ్యామ్‌’ వంటి వరుస ఫ్లాప్‌ల తర్వాత ప్రభాస్ ‘ఆది పురుష్‌’తో అల‌రించేందుకు సిద్ద‌మ‌వుతున్నాడు.
ఓం రౌత్ దర్శకత్వం వహించిన ఈ సినిమా షూటింగ్ ఎప్పుడో పూర్తైన ఇప్ప‌టి వ‌ర‌కు ఈ సినిమా నుండి ఫ‌స్ట్ లుక్ కూడా లేదు. దీంతో అభిమానులు చిత్ర బృందంపై మండిప‌డుతున్నారు. ఎప్ప‌టిక‌ప్పుడు ఈ సినిమా నుండి అప్‌డేట్ వ‌స్తుంది అంటున్నారే త‌ప్ప ఎలాంటి అప్‌డేట్ ఇవ్వ‌కుండా నిరాశ‌ప‌రుస్తున్నారు.
ప్రభాస్ ఫ్యాన్స్‌కి గుడ్ న్యూస్..
అక్టోబర్ 2 న భారీ ఎత్తున నిర్వహించబోతున్న ఈవెంట్ లో టీజర్ తో పాటు ఫ‌స్ట్ లుక్ పోస్ట‌ర్ విడుదల చేయ‌నున్న‌ట్టు దర్శకుడు ఓం రౌత్ త‌న సోష‌ల్ మీడియా ద్వారా తెలియ‌జేశారు. అయోధ్య‌లో స‌ర‌యు న‌ది ఒడ్డున ఈ ఈవెంట్ గ్రాండ్‌గా లాంచ్ కానుంద‌ట. ఈ ప్ర‌క‌ట‌న‌తో ఫ్యాన్స్ ఫుల్ ఖుష్ అవుతున్నారు.
ఇక రామాయ‌ణం నేప‌థ్యంలో తెర‌కెక్కిన ఈ చిత్రంలో ప్రభాస్ రాముడి పాత్రలో కనిపించనున్నాడు. కృతి స‌నన్ హీరోయిన్‌గా నటించింది. బాలీవుడ్ స్టార్ సైఫ్ అలీఖాన్ ప్ర‌తినాయ‌కుడి పాత్రలో న‌టిస్తున్నాడు. ఈ చిత్రాన్ని టీ-సిరీస్‌, రెట్రో ఫైల్స్ సంస్థ‌లు సంయుక్తంగా నిర్మించ‌గా, చిత్రం కోసం దాదాపు 500కోట్ల భారీ బ‌డ్జెట్ కేటాయించినట్టు తెలుస్తుంది.
ఆదిపురుష్ చిత్రాన్ని వ‌చ్చే ఏడాది సంక్రాంతి కానుక‌గా జ‌న‌వరి 12న విడుదల చేయ‌నున్నారు. ‘ఆదిపురుష్’ మూవీని పూర్తిగా గ్రీన్‌ మ్యాట్ పైనే చిత్రీకరించారు దర్శకుడు. ఈ సినిమాని తెలుగులో ప్రభాస్ స్వయంగా విడుదల చేస్తున్నాడు.
ఆదిపురుష్ చిత్రం 2డీతో పాటు త్రీడీలోనూ విడుదల కానుండ‌గా, ప్ర‌స్తుతం అమెరికాలో త్రీడీ వెర్షన్‌ పనులు జ‌రుగుతున్న‌ట్టు తెలుస్తుంది. ఇవి తుది దశకు చేరుకున్న‌ట్టు టాక్. ఇక ప్రభాస్ స‌లార్ షూటింగ్‌తో పాటు ప్రాజెక్ట్ చిత్ర షూటింగ్స్ తో బిజీగా ఉన్న విష‌యం తెలిసిందే.