Pooja Hegde and salman khan dating news : బుట్ట‌బొమ్మ పూజా హెగ్డే క్రేజ్ గురించి ప్ర‌త్యేకంగా చెప్ప‌న‌క్క‌ర్లేదు. తెలుగులోనే కాదు ఈ భామకి బాలీవుడ్‌లోను విప‌రీతమైన ఫ్యాన్ ఫాలోయింగ్ ఉంది. మ‌ధ్య‌లో వ‌రుస విజయాలు సాధించిన పూజా ఇటీవ‌ల ఫ్లాపుల బాట ప‌ట్టింది. ప్రస్తుతం తెలుగులో సూపర్ స్టార్ మహేష్ బాబు, త్రివిక్రమ్ ల కలయిక లో రూపొందుతున్న మూవీలో క‌థానాయిక‌గా న‌టిస్తున్నారు. అలానే హిందీలో సల్మాన్ ఖాన్, వెంకటేష్ హీరోలుగా రూపొందుతున్న కిసి కా భాయ్ కిసి కి జాన్ లో కూడా పూజా హీరోయిన్‌గా న‌టిస్తుంది.
అయితే ఇటీవ‌ల పూజా.. సల్మాన్ ఖాన్‌తో డేటింగ్‌లో ఉందంటూ తెగ ప్ర‌చారాలు సాగాయి. మీడియా మాధ్యమాల్లో కథనాలు ప్రచారం అవుతున్న నేప‌థ్యంలో కిసి కా భాయ్ కిసి కా జాన్ సినిమా ప్రమోషన్స్ లో భాగంగా డేటింగ్ వార్తలపై క్లారిటీ ఇచ్చింది బుట్ట‌బొమ్మ పూజా హెగ్డే. ప్రస్తుతం తనకు కెరీర్ పరంగా వరుసగా సినిమా అవ‌కాశాలు వస్తున్నాయని, వాటితోనే తనకు సమయం సరిపోతోందంటూ చెప్పుకొచ్చింది. అయితే త‌న‌పై వ‌చ్చే రూమ‌ర్స్ అప్పుడ‌ప్పుడు చదువుతుంటానని, కాని వాటికి సమాధానం ఇచ్చేంతటి టైం కూడా తనకు లేదంటూ పూజా ఫుల్ క్లారిటీ ఇచ్చింది.