naveen murder case : విద్యార్థి నవీన్‌ను అతని స్నేహితుడైన హరిహరకృష్ణ అత్యంత పాశవికంగా హత్య చేసిన ఉదంతంపై విచారణ వేగవంతమైంది. ఇంత క్రూరంగా హత్య చేయడానికి దారి తీసిన పరిస్థితులపై పోలీసులు ఆరా తీస్తున్నారు. ఇందులో భాగంగానే ఈ హత్య కేసులో మొదటి నుంచి అసలేం జరిగిందనే వివరాలు తెలుసుకొనేందుకు పోలీసులు తీవ్రంగా శ్రమిస్తున్నారు. నిందితుడు హరిహరకృష్ణను కస్టడీలోకి తీసుకున్న పోలీసులు.. రెండోరోజు విచారణ కొనసాగించారు.
ఈ కేసులో పోలీసులు సీన్‌ రీకన్‌స్ట్రక్షన్‌ మొదలు పెట్టారు. తొలుత హరిహరకృష్ణను తన సోదరి ఇంటికి తీసుకెళ్లిన పోలీసులు.. హత్యలో ఇంకెవరైనా సహకరించారా అనే కోణంలో విచారణ జరిపారు. నవీన్‌ను కర్కశంగా హత్య చేయాల్సిన అవసరం ఏమొచ్చిందని పోలీసులు ప్రశ్నలు గుప్పించారు. అనంతరం అబ్దుల్లాపూర్‌మెట్‌ వరకు నవీన్‌ను ఎవరు తీసుకొచ్చారు? తర్వాత అతనికి సహకరించింది ఎవరనే అంశాలపై పోలీసులు దర్యాప్తు ముమ్మరం చేశారు. దీంతో పాటు నవీన్‌ హత్య వెనుక యువతి పాత్రపై కూడా పోలీసులు ఆరా తీస్తున్నారు. ఇలా రకరకాల కోణాల్లో పోలీసుల ఇన్వెస్టిగేషన్‌ కొనసాగుతోంది.
మరోవైపు యువతి కోసం స్నేహితుడని కూడా చూడకుండా అత్యంత పాశవికంగా హత్య చేసిన నవీన్‌ వ్యవహారం ఇప్పుడు హాట్‌ టాపిక్‌గా మారింది. నల్గొండ ఎంజీ కాలేజీ పరిధిలోని బీటెక్‌ లాస్ట్‌ ఇయర్‌ చదువుతున్న నవీన్‌ను అదే కాలేజీలో విద్యనభ్యసిస్తున్నన హరిహరకృష్ణతో ఫ్రెండ్‌షిప్‌ ఏర్పడింది. వీరిద్దరూ కలిసి ఒకే అమ్మాయిని ప్రేమించడంతో అసలు ట్విస్టు మొదలైంది. కొన్నాళ్లు ఇద్దరూ గొడవ పడ్డారు. తర్వాత ఎలాగైనా ప్రేయసిని దక్కించుకోవాలని ప్లాన్‌ చేసిన హరిహరకృష్ణ.. నవీన్‌ను మట్టుబెట్టేందుకు పథక రచన చేశాడు.
పథకం ప్రకారం ఫిబ్రవరి 17వ తేదీన నవీన్‌తో గొడవ పడిన హరిహరకృష్ణ.. అనంతరం నవీన్‌ను తీవ్రంగా గాయపరిచాడు. తర్వాత గొంతు నులిమేసి హత్య చేశాడు. అనంతరం నవీన్‌ శరీర భాగాలైన తల, మొండెం వేరు చేశాడు. అప్పటికీ కసి తీరక గుండెను బయటకు తీశాడు. మర్మాంగాలు కోసేశాడు. పేగులు కూడా బయటకు లాగి అచ్చం థ్రిల్లర్‌ క్రైమ్‌ సినిమాల్లో తరహా పైశాచికానందం పొందాడు. అనంతరం తండ్రి వద్దకు వెళ్లి హత్య గురించి చెప్పేశాడు. అనంతరం ప్రియురాలికి కూడాచెప్పాడు. పోలీసుల వద్ద లొంగిపోవాలని సూచించడంతో నేరుగా స్టేషన్‌కు వెళ్లి జరిగిన విషయం చెప్పాడు. ప్రస్తుతం ఇన్వెస్టిగేషన్‌ కొనసాగుతోంది.
also read :
Samantha : క‌ష్ట‌కాలంలో స‌మంత‌నే అండ‌గా నిలిచిందంటూ చిన్మ‌యి ఆస‌క్తిక‌ర కామెంట్స్
Flax Seeds : అవిసె గింజలతో మీ కొవ్వును కరిగించుకోండి..
Megha Akash: హీరోయిన్ మేఘా ఆకాశ్ ఇంట విషాదం.. ఎమోష‌నల్ పోస్ట్ షేర్ చేసిన అందాల భామ