Pawan Kalyan: టాలీవుడ్ స్టార్ హీరో పవన్ కళ్యాణ్ ప్రస్తుతం వరుస సినిమాలు చేస్తూ సంద‌డి చేస్తున్న విష‌యం తెలిసిందే. అటు రాజ‌కీయాల‌తో బిజీగా ఉన్న‌ప్ప‌టికీ సినిమాలు చేయ‌డంలో మాత్రం తన స్పీడ్ త‌గ్గించ‌డం లేదు. ఈ క్రమంలోనే పవన్ వినోదయ సీతమ్ అనే తమిళ సినిమాకు రీమేక్‌‌గా బ్రో అనే సినిమాని చేస్తున్నారు. ఈ సినిమాను తెలుగులో సముద్రఖని దర్శకత్వంలో రీమేక్ చేస్తున్న విష‌యం తెలిసిందే. ఇక ఈ మూవీతో పాటు హ‌రీష్ శంక‌ర్ దర్శకత్వంలో ఓ మూవీ, సుజీత్ డైరెక్ష‌న్‌లో మూవీ,క్రిష్ దర్శకత్వంలో మూవీ చేస్తున్నారు.
అయితే మిగ‌తా సినిమాలు శ‌ర‌వేగంగా షూటింగ్ జ‌రుపుకుంటున్న‌ప్ప‌టికీ క్రిష్ దర్శకత్వంలో రూపొందుతున్న చిత్రం మాత్రం న‌త్త‌న‌డ‌కన సాగుతుంది. హరి హర వీరమల్లు చిత్రం పట్టాలెక్కి దాదాపు మూడు ఏళ్ళు కావస్తుంది. షూటింగ్ అయితే ఇంకా చివరి దశకు రాలేదు. సాధారణంగా పీరియాడిక్ మూవీ కావడంతో సెట్స్, గెటప్స్ కి చాలానే టైం పడుతుంది. దానికి తోడు పవన్ కళ్యాణ్ సహకారం అంత‌గా క‌నిపించ‌డం లేదు.
హరి హర మల్లు వరుస షెడ్యూల్స్ లో ప్లాన్ చేసి పూర్తి చేస్తే సరిపోతుంది కాని అలా జరగడం లేదు. భారీ బడ్జెట్ మూవీ కావడంతో నిర్మాణ వ్యయం కూడా ఎక్కువే అయిందని సమాచారం. లాక్ డౌన్ సమయంలో సైలెంట్ గా కొండపొలం మూవీని కంప్లీట్ చేశాడు ద‌ర్శ‌కుడు క్రిష్. ఆ మూవీ విడుదలై ఏడాదిన్నర కావస్తుంది. హరి హర వీరమల్లు నుండి మాత్రం క్రిష్ కి విడుదల రావడం లేదు.. మూవీ మొదలుపెడితే వేగంగా కంప్లీట్ చేయడం క్రిష్ కి అలవాటు.
గౌతమీ పుత్ర శాతకర్ణి వంటి పీరియాడిక్ మూవీని కూడా తక్కువ రోజుల్లో షూట్ చేసిన ఆయ‌న హరి హర వీరమల్లు విషయంలో మాత్రం కాస్త వెన‌క‌డుగే వేస్తున్నారు.ఇందుకు కార‌ణం కి పవన్ సహకరించకపోవడం . అసలు పవన్ కళ్యాణ్ మనసులో ఏముందో కానీ హరి హర మల్లు పూర్తి చేయాలనే ఆలోచన మాత్రం చేయడం లేదు అని అంటున్నారు.
హరి హర వీరమల్లు మూవ‌నీ పక్కన పెట్టి భీమ్లా నాయక్ వరుస షెడ్యూల్స్ లో పూర్తి చేశాడు. ప్రస్తుతం ఏకంగా మూడు కొత్త సినిమాల షూటింగ్లో పాల్గొంటున్నారు. బ్రో, ఓజీ, ఉస్తాద్ భగత్ సింగ్ చిత్రాల షూటింగ్ పరుగులు పెట్టిస్తున్నప్ప‌టికీ హ‌రిహ‌ర వీరమల్లు మాత్రం అంత స్పీడ్ గా షూటింగ్ జ‌రుపుకోవ‌డం లేదు.
పవన్ తో మూవీ చేసే ఛాన్స్ దొరికిందని సంతోషించిన క్రిష్ కి నిరాశే మిగిలింది అని చెప్పాలి.. సార్వత్రిక ఎన్నికలకు ఏడాది సమయం కూడా లేకపోవ‌డం, ఆ మూడు చిత్రాలకు సమయం కేటాయించడమే ఎక్కువగా మార‌డంతో… హరి హర వీరమల్లుకు మోక్షం దక్కే సూచనలు అయితే క‌నిపించ‌డం లేదు. చూస్తుంటే 2024లోనే పవన్ ఈ చిత్రాన్ని పూర్తి చేసే ఛాన్స్ ఉంద‌ని అంటున్నారు.
read more news :
Pawan Kalyan: పవన్ మాజీ భార్య నందిని ప్రస్తుతం ఏం చేస్తుందో తెలుసా ?
Pawan Kalyan: పవన్ చిత్రంలో అకీరా గెస్ట్ రోల్‌.. ఫ్యాన్స్ ఫుల్ హ్యాపీ