Pakeezah Vasuki : మెగా హీరోలు చేసిన సాయం మరువలేను..

sandeep N

2 years ago

Pakeezah Vasuki news : తెలుగు, తమిళ భాషల్లో దాదాపు 150 సినిమాలకు పైగా నటించిన స్టార్ లేడీ కమెడియన్ పాకీజా… అలియాస్ వాసుకి ఇటీవ‌ల తాను క‌ష్టాల పాలైన‌ట్టు చెప్పుకొచ్చిన విష‌యం తెలిసిందే. అన్ని సినిమాలు చేసినా కాని.. కష్టాలవల్ల డబ్బంతా ఆవిరైపోయి చాలా దయనీయమైన పరిస్థితుల్లో ఉన్న పాకీజాకి మెగా హీరోలు చేసిన సాయం మరువలేనిదన్నారు. నాగబాబు ఆ తరువాత మెగాస్టార్ చిరంజీవి తనకు చెరో లక్ష రూపాయలు సాయం చేసిన విష‌యం తెలిసిందే.

ఓ యూట్యూబ్ ఛానల్ ద్వారా తన కష్టాలు తెలుసుకున్న తెలుగు ఇండస్ట్రీ వారు.. తన ఫ్యాన్స్ కొంత మంది.. 1000 రూపాయల నుంచి 10 వేల వరకూ సాయం అందించిన‌ట్టు తాజాగా పాకీజా చెప్పుకొచ్చింది. యూట్యూబ్ ఛానెల్‌లో తన అకౌంట్ నంబర్ తెలియ‌జేడంతో.. వరుసగా సాయం చేస్తూనే ఉన్నారని వారికి పాకీజా అందరికి ప్ర‌త్యేక కృత‌జ్ఞ‌త‌లు తెలిపింది. అంతే కాదు మోహన్ బాబు కూడా తనకు సాయం చేశారని చెప్పుకొచ్చింది. పాకీజా. తమిళ ఆర్టిస్ట్ సంఘాలు కాని.. నడిగర్ సంఘం కాని తన విజ్ఞప్తిని పట్టించుకోలేదు అని విమ‌ర్శ‌లు చేసింది పాకీజా.