NTR 30: వాయిదా ప‌డ్డ ఎన్టీఆర్ సినిమా ఎప్పుడు లాంచ్ కానుందంటే..!

sandeep N

2 years ago

NTR 30: యంగ్ టైగ‌ర్ ఎన్టీఆర్‌కి ఎంత భారీ ఫ్యాన్ ఫాలోయింగ్ ఉంటుందో ప్ర‌త్యేకంగా చెప్ప‌న‌క్క‌ర్లేదు. ఆర్ఆర్ఆర్ చిత్రం త‌ర్వాత ఎన్టీఆర్ సినిమా కోసం క‌ళ్ల‌ప్ప‌గించి చూస్తున్నారు. ఎన్టీఆర్30 చిత్రాన్ని అనౌన్స్ చేసినప్పటి నుండి సినిమా ఎప్పుడు మొదలవుతుందా అని ఫ్యాన్స్ లో అయితే ఎంతో ఆసక్తి నెలకొంది.

ఫిబ్ర‌వరిలోనే లాంచ్ కావ‌ల‌సి ఉన్న‌ప్ప‌టికీ తార‌క‌ర‌త్న మృతి వ‌ల‌న పోస్ట్ పోన్ అయింది. అయితే తాజా స‌మాచారం ప్ర‌కారం ఈ చిత్రం ను వచ్చే నెల 18 వ తేదీన లాంఛ్ చేయనున్నట్లు తెలుస్తోంది.

ఇక అన్ని అనుకున్నట్లు జరిగితే ఈ మార్చ్ లో షూటింగ్ ప్రారంభం అవ్వడం మాత్రమే కాకుండా, మిగతా వివరాలు కూడా వెల్లడి అయ్యే అవకాశాలు ఉన్నాయని స‌న్నిహిత వ‌ర్గాలు చెబుతున్నాయి.

డైరెక్టర్ కొరటాల శివ దర్శకత్వంలో తెరకెక్కనున్న ఈ సినిమా కి అనిరుధ్ రవి చందర్ సంగీతం అందించనుండ‌గా, ఆయ‌న సంగీతంకి తెలుగులో చాలా మందే అభిమానులు ఉన్నారు.

ఎన్టీఆర్, కొరటాల శివ కాంబో లో వస్తున్న ఈ పాన్ ఇండియా మూవీ పై భారీ స్థాయిలో అంచనాలు నెలకొన్నాయి. గ‌తంలో వీరిద్ద‌రు క‌లిసి జ‌న‌తా గ్యారేజ్ అనే చిత్రంలో క‌లిసి న‌టించారు.