NTR : బింబిసారా లాంటి బ్లాక్ బస్టర్ హిట్ తర్వాత నందమూరి కళ్యాణ్ రామ్ నటించిన తాజా చిత్రం ‘అమిగోస్’. ఫిబ్రవరి 10న ఈ చిత్రం గ్రాండ్ రిలీజ్ కి రెడీ అవుతోంది.
రాజేంద్ర రెడ్డి దర్శకుడు కాగా.. జిబ్రాన్ సంగీతం అందిస్తున్నారు. ఈ చిత్రంలో కళ్యాణ్ రామ్ తన కెరీర్ లోనే తొలిసారి ట్రిపుల్ రోల్ లో నటించి మెప్పించ‌బోతున్నాడు.
అమిగోస్ చిత్ర ప్రీరిలీజ్ వేడుక నిన్న హైదరాబాద్ లో గ్రాండ్ గా జరిగింది. ఈ ఈవెంట్ కి కళ్యాణ్ రామ్ సోదరుడు, యంగ్ టైగర్ ఎన్టీఆర్ అతిథిగా హాజరయ్యారు. ప్రీ రిలీజ్ వేడుకలో ఎన్టీఆర్ ఆసక్తికర విషయాలు వెల్లడించారు.
అభిమానుల కేరింతల మధ్య తన ప్రసంగాన్ని ఎన్టీఆర్ ప్రారంభించారు. నాకు కొంచెం ఆరోగ్యం బాగాలేదు. బాడీ పెయిన్స్ ఉన్నాయి. కాబట్టి గోల చేయవద్దు అంటూ తారక్ అభిమానులకు రిక్వస్ట్ చేశాడు.
మరోసారి ఎన్టీఆర్… కళ్యాణ్ రామ్ కోసం హెల్త్ సరిగ్గా లేకున్నా హాజరు కావడం నందమూరి అభిమానుల్లో సంతోషాన్ని కలిగిస్తోంది.
కళ్యాణ్ రామ్, ఎన్టీఆర్ మధ్య బంధానికి ఇదే నిదర్శనం అంటూ అభిమానులు ప్రశంసిస్తున్నారు. కాగా, కళ్యాణ్ రామ్.. ఎప్పుడూ నా వెనుక ఉండి నడిపించే నా తమ్ముడు అంటూ ఎన్టీఆర్ ని ఉద్దేశించి ప్రసంగించారు. ఈ మాట‌ల‌తో ఆడిటోరియం ద‌ద్ద‌రిల్లింది.
also read:
Varun Tej : వరుణ్ లావణ్య ల పెళ్లికి చిరంజీవి నో చెప్పాడా?
Bandla Ganesh : పవన్ కళ్యాణ్ యాంటీగా మారిన బండ్ల గ‌ణేష్‌!