Nikhil Siddhartha: యంగ్ హీరో నిఖిల్ త‌న తాజా చిత్రం కార్తికేయ2తో ఎన్ని సంచ‌ల‌నాలు క్రియేట్ చేశాడో ప్ర‌త్యేకంగా చెప్ప‌న‌క్క‌ర్లేదు. పెద్ద పెద్ద హీరోల‌కి కూడా సాధ్యం కానిది చేసి చూపించాడు నిఖిల్. ఆగస్టు 13న విడుదలైన ఈ సినిమా బాక్సాఫీస్ వద్ద భారీ విజయాన్ని అందుకుంది.
తెలుగుతో పాటు హిందీలోనూ బ్లాక్‌ బస్టర్‌గా నిలిచిన ఈ చిత్రం 100 కోట్లకు పైగా గ్రాస్‌ను కలెక్ట్‌ చేసినట్లు తెలుస్తుంది. నిఖిల్ కెరీర్‌లోనే అతిపెద్ద హిట్‌గా నిలిచిన ఈ చిత్రంతో ఓవర్‌ నైట్‌లో నిఖిల్ పాన్‌ ఇండియా హీరోల జాబితాలో చేరాడు.
బిగ్ స్టెప్..
సినిమా విడుదలై నెలన్నర కావోస్తున్నా కూడా ఇప్పటికీ దీనిపై చర్చనడుస్తుంది. ఏదో ర‌కంగా కార్తికేయ 2 చిత్రం వార్త‌ల‌లో నిలుస్తూనే ఉంది. ఇక తాజాగా ఈ సినిమా ఓటీటీ రిలీజ్ డేట్ ఫిక్స్ అయింది. దసరా కానుకగా అక్టోబర్‌ 5నే ఈ సినిమా కూడా ఓటీటీలో స్ట్రీమింగ్‌ కాబోతుండటం విశేషం.
అదే రోజు థియేటర్లో చిరంజీవి `గాడ్‌ ఫాదర్‌`, నాగార్జున `ది ఘోస్ట్` చిత్రాలతోపాటు యంగ్ హీరో బెల్లంకొండ గణేష్‌ నటిస్తున్న `స్వాతిముత్యం` చిత్రాలు థియేట‌ర్స్‌లో విడుద‌ల‌కి సిద్ధ‌మ‌య్యాయి. మ‌రి ఈ పోటీని త‌ట్టుకొని నిఖిల్ త‌న సినిమాని ఓటీటీలో విడుద‌ల చేస్తుండ‌డం విశేషం.
కార్తికేయ 2 సినిమా ఇపుడు దేశ వ్యాప్తంగా ఎక్కువగా వినిపిస్తోంది. చిన్న సినిమాగా విడుదలై అంచనాలకు మించి బాక్సాఫీస్ దగ్గర వసూళ్ల వర్షం కురిపిస్తోంది. శ్రీకృష్ణుని జన్మస్థానమైన ద్వారక మిస్టరీ నేపథ్యంలో తెరకెక్కిన అడ్వేంచ‌ర్ థ్రిల్లర్‌లో అనుపమ్‌ ఖేర్‌ కీలక పాత్ర పోషించ‌గా, అనుప‌మ ప‌ర‌మేశ్వ‌ర‌న్ క‌థానాయిక‌గా న‌టించింది.
అభిషేక్‌ అగర్వాల్‌ ఆర్ట్స్‌తో కలిపి పీపుల్స్‌ మీడియా ఫ్యాక్టరీ సంయుక్తంగా ఈ సినిమాను నిర్మించారు.మొత్తానికి వారు చేసిన ప్ర‌య‌త్నం మంచి స‌త్ఫ‌లితాన్ని పొందింది. ఈ సినిమా ఓటీటీలో ఎలాంటి విజయం ద‌క్కించుకుంటుందో చూడాలి.