Pushpa2 :ఐకాన్ స్టార్ అల్లు అర్జున్ న‌టిస్తున్న తాజా చిత్రం పుష్ప2. తొలి పార్ట్ మంచి విజ‌యం సాధించ‌డంతో రెండో పార్ట్‌పై అంచ‌నాలు భారీగా ఉన్నాయి. సుకుమార్ ఈ మూవీని భారీ బ‌డ్జెట్‌తో అత్యంత ప్ర‌తిష్టాత్మ‌కంగా తెర‌కెక్కిస్తున్నాడు. పుష్ప ది రైజ్ కి సీక్వెల్ గా తెరకెక్కుతోన్న పుష్ప 2 కి దేవిశ్రీప్రసాద్ సంగీతం అందిస్తుండగా, ఇందులో ర‌ష్మిక క‌థానాయిక‌గా న‌టిస్తుంది. ఇక ఈ మూవీ నుండి అల్లు అర్జున్ బర్త్ డే సందర్భంగా రిలీజ్ అయిన ఫస్ట్ లుక్ పోస్టర్, గ్లింప్స్ టీజర్ అంచ‌నాలు భారీగా పెంచేసింది అనే చెప్పాలి.
అయితే ఈ సినిమాకి సంబంధించి తాజాగా ఓ ఇంట్రెస్టింగ్ విష‌యం నెట్టింట హ‌ల్‌చ‌ల్ చేస్తుంది. మూవీలో మెగా ప్రిన్సెస్ నిహారిక కొణిదెల ఒక కీలక రోల్ చేస్తున్నారనేది ఫిలిం న‌గ‌ర్ వ‌ర్గాల స‌మాచారం. పెళ్లి త‌ర్వాత సినిమాల‌కి కాస్త దూరంగా ఉంటున్న నిహారిక ఈ సినిమాతో రీఎంట్రీ ఇవ్వాల‌ని అనుకుంటుంద‌ట. ఇందులో అమ్మ‌డి పాత్ర చాలా పవ‌ర్‌ఫుల్ అని అంటున్నారు. ప్రాధాన్యత ఉన్న పాత్ర కావ‌డంతోనే నిహారిక ఒప్పుకుంద‌ని టాక్. మ‌రి దీనిపై క్లారిటీ రావ‌ల‌సి ఉంది.