Ravi Teja: సినీ ఇండ‌స్ట్రీలో వార‌సుల హంగామా న‌డుస్తున్న విష‌యం తెలిసిందే. ఇప్ప‌టికే ఎంతో మంది వార‌సులు ఇండ‌స్ట్రీకి ప‌రిచ‌యం కాగా, అందులో కొంద‌రు మాత్ర‌మే స‌క్సెస్ అయ్యారు. అయితే ఇప్పుడు రవితేజ ఫ్యామిలీ నుండి కూడా ఓ హీరో ప‌రిచ‌యం అయ్యాడు. రవితేజకి ఇద్దరు తమ్ముళ్లు కాగా, అందులో రఘు ఒకరు. ఆయన కుమారుడు మాధవ్‌ని హీరోగా పరిశ్రమకి ఇంట్రడ్యూస్‌ చేస్తున్నారు. `పెళ్లి సందD` చిత్రంతో కమర్షియల్ గా మంచి హిట్ అందుకున్న దర్శకురాలు గౌరీ రోణంకి ఈ చిత్రానికి డైరెక్ష‌న్ అందిస్తున్నాడు.
రీసెంట్ గా ఈ చిత్రం పూజా కార్య‌క్ర‌మాల‌తో ప్రారంభ‌మైంది. రాఘవేంద్రరావు స్క్రిప్ట్ అందజేయడం, ఫస్ట్ షాట్ కు క్లాప్ కొట్టగా, సురేష్ బాబు కెమెరా స్విచ్ ఆన్ చేశారు. రవితేజ షూటింగ్ లో బిజీగా ఉండి.. ఈ ఓపెనింగ్ కు రాలేకపోయిన‌ట్టు తెలుస్తుంది. ఇక ఈ చిత్రానికి మ్యూజిక్ డైరెక్టర్ అనూప్ రూబెన్స్ సంగీతం అందిస్తున్నాడు. ఈ కథ విని చాలా ఇంప్రెస్ అయిన అనూప్ మంచి మ్యూజిక్ అందించ‌నున్నాడు.