Mokshagna : మోక్షజ్ఞ ఎంట్రీ ఖరారయినట్టే !?

TFN

1 year ago

Mokshagna entry into movies : బాలకృష్ణ, మోహిని నటీనటులు గా సిల్క్ స్మిత, గొల్లపూడి మారుతీరావు, టిను ఆనంద్, అమ్రిష్ పూరి వంటి భారీ తారాగణంతో 1991 సంవత్సరం లో రిలీజ్ అయిన సినిమా ‘ఆదిత్య 369’. అప్పట్లో ఈ మూవీ ఓ కొత్త ప్రయోగం. సైన్స్ ఫిక్షన్ కథకు కొంత ప్రేమ, క్రైమ్, యాక్షన్ జోడించి సింగీతం శ్రీనివాసరావు ఈ చిత్రానికి దర్శకత్వం వహించారు. బాలయ్య నటించిన అన్ని సినిమాలలో ‘ఆదిత్య 369’ ఇప్పటికీ ఆ సినిమాలోని కంటెంట్ కారణంగా నిలుస్తుంది. ఇప్పుడు అదే సినిమాకు సీక్వెల్ గా ‘ఆదిత్య 999’ పేరుతో తన కొడుకు మోక్షజ్ఞను ఇండస్ట్రీకి పరిచయం చేయాలని చూస్తున్నాడు బాలకృష్ణ. కానీ ఈ సినిమా గురించి ఇంకా అడుగు ముందుకు పడటం లేదు.

బాలకృష్ణ ఫ్యామిలీ నుంచి మోక్షజ్ఞ ఎంట్రీ కోసం నందమూరి అభిమానులు ఆసక్తిగా ఎదురుచూస్తున్నారు. ఈ అభిమానుల ఒత్తిడిని తట్టుకోలేక బాలయ్య తన కొడుకు మోక్షజ్ఞ సినిమా ఎంట్రీ గురించి గతంలో పలుమార్లు మాట్లాడినా ఒక్కటి కూడా కార్యరూపం దాల్చలేదు. ఓ వైపు ఇరవై ఎనిమిదేళ్లు దాటినా మోక్షజ్ఞ సినిమాల్లో కనిపించకపోవడం, ఆయనకు సినిమాలంటే ఇష్టం లేదంటూ ప్రచారం కూడా చేశారు. కాగా, అదే నందమూరి కుటుంబం నుంచి వచ్చిన జూనియర్ ఎన్టీఆర్ పదిహేడేళ్ల వయసులో సినిమాల్లోకి అడుగుపెట్టాడు. బాలకృష్ణ చిన్నప్పటి నుంచి నటిస్తూనే ఉన్నారు. నాన్నలాగానీ, అన్నలాగానీ మోక్షజ్ఞ సినిమాల్లోకి ఎంట్రీపై ఉత్సాహం చూపకపోవడాన్ని సినీవర్గాలు తప్పుబడుతున్నాయి.

అయితే.. మోక్షజ్ఞ సినిమా ఎంట్రీకి సర్వం సిద్ధమైందనే వార్తలు కాస్త గట్టిగానే వినిపిస్తున్నాయి. బాలకృష్ణ ‘ఆదిత్య 369’ సీక్వెల్ ‘ఆదిత్య 999’ స్క్రిప్ట్ వర్క్ శరవేగంగా జరుగుతోంది. ఇందుకోసం మోక్షజ్ఞ స్లిమ్ అండ్ హ్యాండ్సమ్ లుక్‌లోకి మారుతున్నాడు. ఇది కేవలం సినిమా ఎంట్రీ కోసమే అని అభిమానులు చాలా హ్యాపీగా ఫీల్ అవుతున్నారు.

దీంతో ఎప్పుడెప్పుడా అని ఎదురుచూస్తున్న బాలయ్య తనయుడి ఎంట్రీ ఖరారైనట్లే. తాజాగా మోక్షజ్ఞ ఎంట్రీపై బాలయ్య కూడా వ్యాఖ్యలు చేసినట్టు వార్తలు వచ్చాయి. ఆయన చెప్పిన వెంటనే.. ఫ్యాన్స్ కూడా సంబరాలు చేసుకుంటున్నారు. ఇక బాలకృష్ణ విషయానికి వస్తే.. ప్రస్తుతం అనిల్ రావిపూడి దర్శకత్వంలో తెరకెక్కుతున్న ‘భగవంత్ కేసరి’ సినిమా షూటింగ్ శరవేగంగా జరుగుతోంది. దర్శకుడు బాబీతో 109వ సినిమా చేయనున్నట్టు బాలయ్య ప్రకటించారు. త్వరలోనే ఈ సినిమా సెట్స్‌పైకి వెళ్లనుంది.