మంత్రి మల్లారెడ్డిపై ఐటీ దాడులు.. తాజా సమాచారం ఏంటంటే ?

TFN

2 years ago

తెలంగాణ మంత్రి మల్లారెడ్డి (minister malla reddy) పై ఐటీ దాడులు కొనసాగుతున్న సంగతి తెలిసిందే. ఆయనతో పాటు ఆయన కుటుంబ సభ్యుల ఇళ్లలో ఐటీ అధికారులు సోదాలు నిర్వహించగా కోట్లాది రూపాయల నగదు, పెద్ద మొత్తంలో బంగారం స్వాధీనం చేసుకున్నారు. సోమవారం నుంచి తమ ఎదుట హాజరుకావాలని నోటీసులు ఇచ్చారు. మంత్రి మల్లారెడ్డి ఆర్థిక అవకతవకలకు పాల్పడ్డారని ఐటీ అధికారులు వెల్లడించారు.

మరోవైపు ల్యాప్‌టాప్ కేసు, ఐటీ అధికారుల దాడి ఘటనను ఐటీ శాఖ సీరియస్‌గా తీసుకుంది. ఇప్పటి వరకు జరిపిన సోదాలపై పూర్తి వివరాలతో ఈడీకి లేఖ రాయనున్నారు. ఇప్పటి వరకు సేకరించిన సమాచారం, ఆధారాలను ఈడీకి వెల్లడిస్తామన్నారు. ఆర్థిక లావాదేవీల్లో జరిగిన అవకతవకలపై పూర్తి వివరాలు తెలియాలంటే ఈడీ విచారణ కూడా జరగాలని ఐటీ భావిస్తోంది. ఇదే జరిగితే మల్లారెడ్డి ఉచ్చు మరింత బిగుసుకుంది. ఆయనపై ఈడీ దాడులు కూడా చేసే అవకాశం ఉంది.