Viral Video: పాముని ముద్దాడ‌బోయాడు.. ఆ త‌ర్వాత ఏం జ‌రిగిందంటే…!

Viral Video: పాముల‌తో ప‌రాచ‌కాలు ఆడితే మాములుగా ఉండ‌దు. కొంద‌రు పాముల‌తో జిమ్మిక్కులు ఆడుతుంటారు. అలాంటి స‌మ‌యంలో లేనిపోని ప్ర‌మాదాలు కొని తెచ్చుకుంటారు. జంతువులతో ఏదన్న చేసినప్పుడు కూసింత‌ ఒళ్లు దగ్గర పెట్టుకుని ఉండాలి. లేదంటే.. ప్రాణాల మీదకు రావ‌డం ఖాయం. కర్ణాటకలో ఓ వ్య‌క్తి చేసిన తీట ప‌నికి ఆ వ్యక్తి ఆస్పత్రిలో చేరాల్సి వచ్చింది. శివమొగ్గకు చెందిన ఒక వ్యక్తి పాముతో ఆటలాడాడు.. దాంతో అది చుక్కలు చూపించి ఆసుప‌త్రి పాలు చేసింది.

పాముతో పెట్టుకుంటే అంతే..

శివమొగ్గలోని ఓ ప్రాంతంలో ఓ తాచుపాము వచ్చింది. అది చూసిన వారంద‌రు భయాందోళనకు గురయ్యారు. అయితే దానిని చూసిన వ్యక్తి పట్టుకున్నాడు. ఆ పాముతో ప‌రాచ‌కాలు ఆడాడు. హీరో స్టైల్లో పాము తలపై ముద్దుపెట్టుకోబోయాడు. అది కాస్తా బెదిరిపోయి.. టక్కున వెనక్కి తిరిగి అతని మూతిపై కాటు వేసింది.దీంతో ఆ వ్య‌క్తి పాముని వ‌దిలి ప‌రార‌య్యాడు. ప్ర‌స్తుతం అతను ఆసుప‌త్రిలో చికిత్స పొందుతుండ‌గా, ఆరోగ్యానికి ఎలాంటి ప్ర‌మాదం లేద‌ని తెలుస్తుంది.

ప్ర‌స్తుతం సోష‌ల్ మీడియాలో చ‌క్క‌ర్లు కొడుతున్న వీడియోని చూసిన నెటిజ‌న్స్.. అత‌డే కాదు పాము కూడా అతనికి ముద్దు పెట్టిందని, సారీ.. ఆ పాముకు ఆల్‌రెడీ బాయ్‌ఫ్రెండ్ ఉన్నాడని సెటైరికల్‌గా కామెంట్ల వ‌ర్షం కురిపిస్తున్నారు. గతంలో కూాడా పాములు పట్టడంలో ని నిష్ణాతులైన వ్యక్తులే పాము కాటుకు గురై ప్రాణాలు కూడా కోల్పోయారు. ఇలాంటివ‌న్నీ తెలిసి కూడా ఎందుకు ఇలా లేని పోని ప‌రాచ‌కాలు ఆడ‌డం అని కొంద‌రు స‌ల‌హాలు ఇస్తున్నారు.