Malavika: క్యూట్‌గా, ట్రెడిషనల్‌గా కనిపించే అందాల భామ మాళవిక నాయర్‌ తాజాగా చేసిన కామెంట్లు ఇప్పుడు సంచలనంగా మారాయి. ఆమె దర్శ‌కుడిని ఉంచుకుంటానంటూ చెప్పి అందుకు సంబంధించిన వీడియోని ఇన్‌స్టాగ్రామ్‌ ద్వారా అభిమానులతో పంచుకుంది. దీంతో నెటిజ‌న్స్ తిట్టిపోస్టున్నారు. అయితే మాళవిక ఉంచుకుంటాన‌న్న ద‌ర్శ‌కుడు మ‌రెవ‌రో కాదు `జాతిరత్నాలు` ఫేమ్‌ అనుదీప్‌. ఆయన్ని ఏమనుకోవద్దని, ఉంచుకుంటానని ఆమె చెప్పడం అంద‌రిని ఆశ్చ‌ర్య‌ప‌ర‌చింది.
మాళవిక మాటలకు అనుదీప్‌ సిగ్గుపడుతూ ముఖం మూసుకుంటూ క‌నిపించాడు. అయితే ఇదంతా మాళవిక నాయర్‌ హీరోయిన్‌గా నటిస్తున్న `అన్నీ మంచి శకునములే` చిత్ర ప్రమోషన్స్ కోసం కావడం విశేషం. ఈ నెల 18న ఇది విడుదల కాబోతుండ‌గా, ఈ చిత్రానికి నందిని రెడ్డి దర్శకత్వం వహించగా, సంతోష్‌ శోభన్‌ హీరోగా నటించారు. అయితే మాళవిక, అనుదీప్‌లపై వీడియో చేయడం వెనకాల ఏదో అర్థం ఉండి ఉంటుందని, అది సినిమాకి లింక్‌ అయి ఉంటుందని కొంద‌రు భావిస్తున్న‌రు. త్వ‌ర‌లోనే దీనిపై ఓ క్లారిటీ వ‌స్తుంది.