మీకు fridge లేదని బాధపడుతున్నారా? ఈ టిప్స్ మీ కోసమే

fridge లేకపోయినా కూరగాయలను తాజాగా ఉంచు కోవటం మన చేతుల్లోనే ఉంది. ఇలా చేసి చూడండి !

1. కరివేపాకు తడి ఆరిపోయే వరకూ ఆరబెట్టి ఒక స్టీలు డబ్బాలో వేసి మూత గట్టిగా బిగించాలి.
2. ఆకు కూరలను ఉప్పు నీళ్ళలో వేర్లు మాత్రం తడిసేట్లు వేసి ఉంచితే తాజాదనం కోల్పోవు. ప్లాస్టిక్ సంచుల్లో తడి ఆరాక ఉంచినా పాడవవు.
3. పచ్చిమిరపకాయలు తొడిమలు తీసేసి గాలి చొరబడని సీసాలో వేసి చిటికెడంత పసుపు జల్లి కాస్తంత చల్లటి చోటులో ఉంచితే ఎక్కువ కాలం నిల్వ ఉంటాయి.
4. టమోటాలను రాత్రి ఉప్పు నీళ్ళలో వేసి ఉంచితే ఉదయానికి తాజాగా ఉంటాయి. బుట్టలో పెట్టి తడిగుడ్డ కప్పినా బాగుంటాయి.
5. నిమ్మకాయలను చల్లని నీళ్ళలో ఉంచితే నిలువ ఉంటాయి. కానీ ప్రతిరోజూ నీళ్ళను మార్చాలి.
6. కాకరకాయను రెండుగా తరిగి పెట్టుకుంటే నిలువ ఉంటాయి.
7. క్యారెట్ మొదళ్ళను కోసి ఉంచితే ఎక్కువ రోజులు నిలువ ఉంటాయి. వెలుతురు తగలని ప్రదేశంలో వీటిని ఉంచాలి.
8. కోడిగుడ్డును వేప ఆకుల మధ్య నిలువ చేయాలి. అవి దొరకని పక్షంలో నెయ్యిగానీ, నూనెగానీ, ఆముదంగానీ రాసి సన్నటి భాగం క్రిందకు, వెడల్పు భాగంపైకి ఉంచితే చాలాకాలం నిలువ ఉంటాయి.
9. దోసకాయలను నేలపై ఉంచి ఎండిపోకుండా బేసిన్ మూత పెట్టాలి.
10. అరటి, యాపిల్ పండ్లు నిమ్మరసం రాసి ఉంచితే నలుపెక్కకుండా నిలువ ఉంటాయి.
11. ఉల్లిపాయలను గాలి తగిలే బుట్టలలో నిలువ ఉంచాలి.
12. అల్లాన్ని తడిగుడ్డలో చుట్టి నీళ్ళ కుండీ మీద ఉంచితే వారం రోజులదాకా నిలువ ఉంటుంది.
13. బిస్కెట్లు బియ్యం డబ్బాలో ఉంచితే ఎప్పుడూ కరకరలాడుతూనే ఉంటాయి.

మరిన్ని కూల్ కూల్ చిట్కాలు చదవండి :

మీ చీరలు కొత్త చీరల్లా మెరిసిపోవాలంటే..ఇలా చేసి చూడండి..

Weight loss :మీరు నాజూగ్గా కనబడాలనుకుంటున్నారా? ఇలా చేస్తే మిమ్మల్ని మీరే గుర్తుపట్టలేరు..

Home Remedies for Glowing Skin : మీ చర్మం కాంతివంతంగా మెరవాలంటే ..