Krithi Shetty: ఉప్పెన’ సినిమాతో తెలుగు ప్రేక్షకుల మనసు దోచిన చిన్నది.. కృతిశెట్టి. ఈ అమ్మ‌డు హిట్స్, ఫ్లాప్స్ సంబంధం లేకుండా సినిమాలు చేస్తుంది. ప్రస్తుతం తెలుగు, తమిళ్, మలయాళం సినిమాలతో బిజీబిజీగా ఉంది కృతి శెట్టి. ఓ పక్క సైకాలజీ చదువుకుంటూనే మరో పక్క సినిమాలు చేస్తూ, ఇంకో పక్క సేవా కార్యక్రమాలు కూడా చేస్తూ అంద‌రి దృష్టిని ఆక‌ర్షిస్తుంది ఈ కుర్ర భామ. ఇక ఈ అమ్మడికి ఫ్యాన్స్ చాలా మంది ఉన్నారు. ఉప్పెన తర్వాత, శ్యామ్ సింగరాయ్, బంగార్రాజు సినిమాలతో బ్యాక్ టు బ్యాక్ హిట్స్ కొట్టడంతో మోస్ట్ వాంటెడ్ హీరోయిన్స్ లిస్ట్ లోకి చేరింది కృతి.
ఆ తర్వాత రెండు సినిమాలు పరాజయం పాలైనా కృతి అవకాశాలు ఏ మాత్రం తగ్గలేదు. ప్రస్తుతం తెలుగు, తమిళ్, మలయాళం సినిమాలతో బిజీబిజీగా ఉన్న ఈ అమ్మడికి సోషల్ మీడియాలో అయితే ఫ్యాన్ పేజీలు ఎక్కువే. తాజాగా కృతి శెట్టి హైదరాబాద్ లో సైలెంట్ గా ఎక్కువ ప్రమోషన్ లేకుండా ఫ్యాన్స్ మీట్ పెట్టింది. తన ఫ్యాన్ పేజీలు నడిపే వాళ్లందరితో కలిసి కృతి ఈ ఫ్యాన్స్ మీట్ నిర్వహించింది. శనివారం నాడు హైదరాబాద్ లో ఈ ఫ్యాన్ మీట్ లో కృతి పాల్గొంది. తన అభిమానులతో ముచ్చటించి, వారికీ ఫోటోలు ఇచ్చింది. అందరితో కలిసి కృతి ఓ సెల్ఫీ కూడా దిగింది.
ఫ్యాన్స్‌తో కలిసి కృతి దిగిన సెల్ఫీ సోషల్ మీడియాలో వైరల్ గా మారింది. కెరీర్ మొదట్లోనే ఇలా ఫ్యాన్స్ మీట్స్ పెట్టి ఫ్యాన్స్ ని ఎంకరేజ్ చేస్తుందంటే కెరీర్ మీద చాలా పకడ్బందీగా ఉన్నట్టే అంటున్నారు సినీ వర్గాలు. మొత్తానికి చాలా తక్కువ టైంలోనే స్టార్ హీరోయిన్ అయిన కృతి అప్పుడే ఫ్యాన్ మీట్స్ కూడా నిర్వహిస్తూ అభిమానులకి మరింత దగ్గరవుతుంది కృతి. ఈ అమ్మడికి మ‌రొక రెండు హిట్స్ పడితే మ‌ళ్లీ పుంజుకోవ‌డం ఖాయం అని అంటున్నారు. ఏదేమైన ఫ్యాన్స్ మాత్రం కృతితో ఫొటోస్ దిగిన తర్వాత పిచ్చెక్కిపోతున్నారు.