Kamal Hassan: లోకనాయ‌కుడు కమల్ హాసన్ మ‌ళ్లీ మునుప‌టి స్పీడ్‌తో దూసుకుపోతున్నాడు. చాలా కాలంగా స‌రైన స‌క్సెస్ లేక ఇబ్బందులు ప‌డుతున్న కమల్ హాసన్ ఇటీవ‌ల విక్ర‌మ్ సినిమాతో పెద్ద హిట్ కొట్టాడు. ఈ సినిమా జూన్ 3న ప్రపంచవ్యాప్తంగా విడుదలై మంచి రెస్పాన్స్‌ను దక్కించుకుంది.
ఇటీవ‌ల వంద రోజులు కూడా పూర్తి కావ‌డంతో చిత్రం బుల్లితెర‌పై కూడా ప్ర‌సారం అయి మంచి రెస్పాన్స్ అందుకుంది. లోకేష్ కనగరాజ్ దర్శకత్వం వహించిన ఈ సినిమాలో విజయ్ సేతుపతి ఫహద్ ఫాసిల్ ముఖ్య పాత్ర‌లు పోషించారు. మరో తమిళ నటుడు సూర్య కీల‌క పాత్ర‌లో మెరిసారు.
ఈ సినిమా హిట్ తర్వాత అదే జోష్‌లో కమల్ హాసన్ భారతీయుడు 2 మొద‌లు పెట్టాడు. కొన్నేళ్ల క్రితం రిలీజ్ అయి సంచలన విజయం సాధించిన భారతీయుడు మూవీకి సీక్వెల్ గా ఈ సినిమా తెరకెక్కుతుంది.
ఈ సినిమా కోసం కమల్ హాసన్ ప‌ది నిమిషాల డైలాగ్‌ని సింగిల్ టేక్ లో చెప్పాడ‌ట. అది కూడా ప‌ద్నాలుగు భాష‌ల‌లో .కమల్ టాలెంట్ చూసి ప్ర‌తి ఒక్క‌రు ఆశ్చ‌ర్య‌పోయిన‌ట్టు తెలుస్తుంది. ఇందులో హై ఓల్టేజ్ సీన్స్ సినిమాకి హైలైట్‌గా మారుతాయాని అంటున్నారు.
1996లో కమల్ హాసన్ హీరోగా శంకర్ దర్శకత్వంలో విడుదలైన యాక్షన్ థ్రిల్లర్ “భారతీయుడు ఎంత బ్లాక్ బస్టర్ అయిన సంగతి మనంద‌రికి తెలిసిందే ఆ సినిమా విడుదల అయిన దాదాపు పాతికేళ్ళ తర్వాత ఇప్పుడు “భారతీయుడు-2” సినిమా ప్లాన్ చేశారు.
ఈ మూవీలో కాజల్ అగర్వాల్, రకుల్ ప్రీత్ సింగ్ హీరోయిన్స్ గా నటిస్తుండగా రెడ్ జెయింట్ మూవీస్, లైకా ప్రొడక్షన్స్ సంస్థలు కలిసి ఈ మూవీని అత్యంత ప్రతిష్టాత్మకంగా నిర్మిస్తున్నాయి. అనిరుద్ రవిచందర్ సంగీతం అందిస్తున్నారు.
మరిన్ని సినిమా వార్తలు చదవండి
టాప్‌ పొజిషన్‌లో ప్రభాస్‌, సమంత.. సెలబ్రిటీ సర్వేలో వెల్లడి
Venkatesh: వెంక‌టేష్ అల్లుడు కావ‌ల్సిన రామ్ చ‌ర‌ణ్‌.. ఉపాస‌న‌కి భ‌ర్త అయ్యాడా..!