Kalyan Ram: నందమూరి ఫ్యామిలీ హీరో కళ్యాణ్ రామ్ కొన్నాళ్లుగా స‌రైన సక్సెస్ లేక స‌త‌మ‌తం అవుతున్న విష‌యం తెలిసిందే. ఈ క్ర‌మంలో ఆయ‌న‌కు బింబిసార చిత్రం రూపంలో పెద్ద విజ‌యం ద‌క్కింది. ఫాంట‌సీ డ్రామా నేప‌థ్యంలో తెరకెక్కిన ఈ చిత్రానికి వ‌శిష్ఠ దర్శకత్వం వహించాడు. బింబిసార చక్రవర్తి జీవిత క‌థ నేప‌థ్యంలో తెరకెక్కిన ఈ చిత్రంలో క‌ల్యాణ్ రామ్ బింబిసార చ‌క్రవర్తిగా, దేవ‌ద‌త్తుడిగా రెండు పాత్రల్లో నటించి మెప్పించాడు.ఓటీటీలోను ఈ చిత్రం మంచి విజ‌యం అందుకుంది. థియేటర్లలో దుమ్ములేపిన ఈ చిత్రం గతేడాది అక్టోబర్ 21 నుంచి ‘జీ5’లో స్ట్రీమింగ్ అవుతోంది. ఓటీటీలోనూ నవంబర్ నాటికే 200 మిలియన్లకు పైగా స్ట్రీమింగ్ మినిట్స్ తో సత్తా చాటింది.
ఇక బింబిసార ఇటీవలే జీతెలుగులో తొలిసారి ప్రసారమైంది. తాజా స‌మాచారం ప్రకారం బింబిసార 11.5 టీఆర్పీ రేటింగ్ నమోదు కాగా, ఇటీవల కాలంలో సినిమాలు థియేటర్లలో సక్సెస్ అయినప్పటికీ ఏ సినిమా కూడా ఈ స్థాయిలో బుల్లితెర‌పై టీఆర్పీ రేటింగ్ సాధించలేదు.. బింబిసార సిల్వర్ స్క్రీన్‌పై మూవీ లవర్స్‌ ను ఆకట్టుకోవడమే కాకుండా టీవీ ప్రేక్షకులను కూడా ఫిదా చేస్తూ టాక్‌ ఆఫ్‌ ది ఇండస్ట్రీగా నిలిచింది అని చెప్పాలి. . కళ్యాణ్ రామ్ కేరీర్ లోనే అత్యధిక టీఆర్పీ రేటింగ్ రాబట్టిన మొట్టమొదటి చిత్రంగా ‘బింబిసార’ రికార్డు క్రియేట్ చేసింది. మరోవైపు గతేడాది విడుదలైన చిత్రాలకంటే ఈ మూవీ మంచి టీఆర్సీని దక్కించుకోవడంతో నందమూరి అభిమానులు ఖుషీ అవుతున్నారు.
బింబిసార చిత్రంలో కేథ‌రిన్ ట్రెసా, సంయుక్తా మీన‌న్ ఫీ మేల్ లీడ్ రోల్స్ లో నటించారు. శ్రీనివాస్ రెడ్డి, ప్రకాశ్ రాజ్‌, బ్రహ్మాజీ కీల‌క పాత్రలు పోషించారు. క‌ల్యాణ్ రామ్ హోంబ్యాన‌ర్‌ ఎన్టీఆర్ ఆర్ట్స్ పై హ‌రికృష్ణ నిర్మించారు. బింబిసార మొత్తం నాలుగు పార్టులుగా రాబోతున్నట్టు మేక‌ర్స్ ఇప్ప‌టికే తెలియ‌జేశారు.. రెండు లేదా మూడో పార్ట్ లో ఎన్టీఆర్ కూడా నటించనున్నాడ‌ని వార్త‌లు కూడా వ‌చ్చాయి. ఇక ఇదిలా ఉంటే కళ్యాణ్ రామ్ వ‌చ్చే నెల ‘అమిగోస్’ చిత్రంతో ప్రేక్షకుల ముందుకు రాబోతున్నాడు. ఇందులో ఏకంగా త్రిపాత్రినభియంతో అలరించి మెప్పించేందుకు సిద్ధ‌మ‌వుతున్నాడు.