Pavalar Shiva Passed Away : లెజండరీ మ్యూజిక్ డైరెక్ట‌ర్ ఇళయరాజా గురించి తెలియ‌ని వారు లేరు. కొన్నేళ్లుగా త‌న సంగీతంతో సంగీత ప్రియుల‌ని ఎంత‌గానో అల‌రించాడు. అయితే ఆయన ఇంట్లో విషాదం చోటు చేసుకుంది. ఇళయరాజా అన్న కొడుకు పావళర్ శివన్ (60) మంగళవారం రోజు అకస్మాత్తుగా మృత్యువాత పడడంతో ఆ ఇంట్లో విషాదం చోటు చేసుకుంది.
ఇళయరాజా అన్నయ్య, పావళర్ శివన్ తండ్రి పేరు పావళర్ వరదరాజన్ కూడా సంగీత దర్శకుడు కాగా ఆయన పాటల రచయితగా, గాయకుడిగా కూడా పనిచేశారు.
ఇళయరాజా ఈ స్థాయికి చేరుకోవ‌డంలో వరదరాజన్ పాత్ర ఎంతైనా ఉందని కుటుంబ సభ్యులు అంటుంటారు. ఇక వరదరాజన్ 1973లోనే మరణించ‌గా, ఆయనకి ఇద్దరు కుమారులు ఉన్నారు. అయితే ఒక కొడుకు 2020లో కిడ్నీ సమస్య కారణంగా క‌న్నుమూసాడు.
మరో కొడుకు శివన్ ఇప్పుడు గుండెపోటుతో తుదిశ్వాస విడిచారు. అయితే శివన్ కి ఆక‌స్మాత్తుగా గుండెపోటు రావ‌డంతో మంచం మీది నుంచి పడిపోగా, కుటుంబ సభ్యులు వెంటనే ఆసుపత్రికి తరలించారు. శివన్ అప్పటికే మరణించారని వైద్యులు పేర్కొన్నారు.. కాగా, శివన్ మంచి గిటారు వాయిద్యకారుడు. ఆయన ఇళయరాజా మ్యూజిక్ టీంలోనే కొనసాగుతూ వచ్చారు.
also read :
NTR: బాల‌య్య‌ని ప‌క్క‌న పెట్టి ఎన్టీఆర్‌కి ప్ర‌త్యేక గౌర‌వం ఇచ్చిన తెలంగాణ ప్ర‌భుత్వం