Bakrid : ముస్లింలకు రెండు ప్రధాన పండుగలు ఉన్నాయి. ఒకటి రంజాన్, రెండోది బక్రీద్. బక్రీద్ పండుగ ముస్లింలకు చాలా ప్రత్యేకమైనది. త్యాగానికి ప్రతీకగా జరుపుకునే ఈ పండుగ ముస్లింల పవిత్రమైన పండుగలలో ఒకటి. ఈ బక్రీద్ పండుగను ఈదుల్, అజహా, ఈదుజ్జహా అని కూడా అంటారు. రంజాన్ తర్వాత ఇస్లామిక్ క్యాలెండర్‌లో అత్యంత ముఖ్యమైన నెలల్లో ఈ నెల ఒకటి.
ఈ రోజు 29-06-2023 న బక్రీద్ పండుగ జరుపుకుంటున్నారు.
ముస్లింలు తప్పనిసరిగా చేయవలసిన ఇస్లాం యొక్క ఐదు సూత్రాలలో హజ్ యాత్ర ఒకటి. జీవితంలో ఒక్కసారైనా హజ్ యాత్ర చేయాలని ముస్లింలు కోరుకుంటారు. అది కూడా వాళ్లు కష్టపడి సంపాదించిన డబ్బుతో. ఈ నెల ప్రారంభంలో ముస్లింలు భక్తిశ్రద్ధలతో హజ్ యాత్రకు బయలుదేరుతారు. రాగద్వేషాన్ని వదిలి స్వార్థపూరిత ఆలోచనలు లేకుండా మానవత్వాన్ని చాటడమే బక్రీద్ ఉద్దేశం.
హజ్ యాత్ర కోసం అరబ్ దేశమైన సౌదీ అరేబియాలోని మక్కా నగరానికి చేరుకుని మసీదులోని కాబా చుట్టూ ఏడు ప్రదక్షిణలు చేసి అక్కడ ప్రత్యేక ప్రార్థనలు చేస్తారు. ఈ మసీదు కాబా ఇంటి చుట్టూ ఉంది. ప్రపంచవ్యాప్తంగా ఉన్న ముస్లింలందరూ కాబాకు ఎదురుగా ప్రార్థన చేస్తారు. దీనినే ఖిబ్లా అని కూడా అంటారు. హజ్ తీర్థయాత్ర కోసం వెళ్ళి మక్కా తర్వాత యాత్రికులు మదీనాను సందర్శిస్తారు.
ఈద్-ఉల్-జుహా మానవ త్యాగానికి ప్రతీక. తన కుమారుడిని బలి ఇవ్వడానికి సిద్ధంగా ఉన్న ఇబ్రహీం భక్తి మరియు త్యాగానికి గుర్తుగా ప్రపంచవ్యాప్తంగా ఉన్న ముస్లింలు అతని గౌరవార్థం ఈ పండుగను జరుపుకుంటారు. ఆత్మబలిదానాలతోపాటు మానవత్వంతో కామ, స్వార్థం, ఈర్ష్య, ద్వేషాలు లేకుండా వ్యవహరించే గొప్ప నీతి.. ఈ పండుగ లో దాగి ఉంది. బక్రీద్ ప్రపంచానికి దాతృత్వం మరియు దయ చూపించే ఆనందాన్ని వ్యక్తం చేస్తుంది. అలాగే బక్రీద్ మానవత్వంతో ఉండాల్సిన అవసరాన్ని తెలియజేస్తుంది.
ఖుర్బానీ అంటే అర్పణ, త్యాగం. అంటే దేవునికి దగ్గరవ్వడం, భగవంతుడికి నైవేద్యం పెట్టడం, భగవంతుని కోసం త్యాగాలు చేయడం. అంతేకాదు.. ప్రాణ త్యాగానికైనా వెనుకాడనని చెప్పడమే ఖుర్బానీకి పరమార్థమని ముస్లిం పెద్దలు చెబుతున్నారు. మాంసాన్ని మూడు భాగాలుగా చేసి ఒక భాగం పేదలకు, రెండో భాగాన్ని వారి బంధువులకు, మరో భాగాన్ని వారి కుటుంబానికి పంపిణీ చేస్తారు.
ఆకలి అందరికీ సాధారణం. కాబట్టి ఈ పండుగ సందర్భంగా పేద కుటుంబాలకు తమ శక్తి మేరకు అన్నదానాలు చేయాలని పెద్దలు చెబుతుంటారు. కాబట్టి కొంతమందికి అయిన ఆకలి తీర్చడం లో సంతృప్తి చెందుతారు. దాతృత్వం మానవ ధర్మంతో ముడిపడి ఉంటుంది.
read more news :
Tholi Ekadashi : తొలి ఏకాదశి పండుగ విశిష్టత ఏంటి ? ఎందుకు జరుపుకుంటారు ? ఈ రోజు ఉపవాసం ఎలా చేయాలి?