Himachal Pradesh : ఉత్తర రాష్ట్రమైన హిమాచల్ ప్రదేశ్‌లో గత కొన్ని రోజులుగా భారీ వర్షాలు కురుస్తున్నాయి. గత రెండు నెలలుగా రాష్ట్రంలో ఎడతెరిపి లేకుండా వర్షాలు కురుస్తున్నాయి. దీంతో పలు నదులు, వాగులు పొంగిపొర్లడంతో కొండచరియలు విరిగిపడి రోడ్లు మూసుకుపోతున్నాయి.
నీటి ప్రవాహాల్లో పలు ఇళ్లు కొట్టుకుపోయాయి. ఈ భారీ వర్షాల కారణంగా స్థానికులు తీవ్ర ఇబ్బందులు పడుతున్నారు. విపరీతంగా కురుస్తున్న వర్షాల కారణంగా పొలాలు నీటమునిగాయి, పంటలు నాశనమయ్యాయి. పలు రహదారులు కూడా దెబ్బతిన్నాయి.
ముఖ్యంగా సోలన్ జిల్లాలో ఆదివారం భారీ వర్షాలు కురిశాయి. ఈ ఏడాది భారీ వర్షాల కారణంగా జాధోన్‌ గ్రామంలో ఏడుగురు దుర్మరణం పాలయ్యారు. బాధిత కుటుంబాలకు రాష్ట్ర ముఖ్యమంత్రి సుఖ్‌వీర్ సింగ్ సుక్కు ట్విట్టర్ ద్వారా సంతాపం తెలిపారు.
Devastated to hear about the loss of 7 precious lives in the tragic cloud burst incident at Village Jadon, Dhawla Sub-Tehsil in Solan District. My heartfelt condolences go out to the grieving families. We share in your pain and sorrow during this difficult time. cont..1
— CMO HIMACHAL (@CMOFFICEHP) August 14, 2023
ఇంకా భారీ వర్షాలు కురుస్తుండటంతో అధికారులు ముందస్తు చర్యలు తీసుకోవాలని సూచించారు. ఈరోజు, మండి, సిమ్లా మరియు బిలాస్‌పూర్ జిల్లాల్లో అన్ని విద్యాసంస్థలు మూసివేయబడ్డాయి. ఈ జిల్లాల్లో 621 రోడ్లపై కొండచరియలు విరిగిపడ్డాయి.
భారీ వర్షాల కారణంగా ఏర్పడిన పరిస్థితిని క్షుణ్ణంగా అంచనా వేయాలని ప్రభుత్వ ప్రధాన కార్యదర్శి, హోంశాఖ కార్యదర్శిని ఆదేశించింది. ప్రజలకు భద్రత కల్పించాలని, తదనుగుణంగా అవసరమైన చర్యలు తీసుకోవాలని డిప్యూటీ కమిషనర్లతో పాటు చీఫ్ సెక్రటరీ, హోం సెక్రటరీలను ఆదేశించారు.
also read :
Tirumala Leopard incident : బాలికను చంపిన చిరుత.. బోనులో చిక్కుకున్న చిరుత
Megastar Chiranjeevi : మెగాస్టార్ కు సర్జరీ! ఏం జరిగింది ?