NTR: ఎన్టీఆర్ అభిమానుల ఆగ్ర‌హంతో వివ‌రణ ఇచ్చిన హెచ్‌సీఏ

NTR: యంగ్ టైగ‌ర్ ఎన్టీఆర్, మెగా ప‌వర్ స్టార్ రామ్ చ‌ర‌ణ్ ప్ర‌ధాన పాత్ర‌ల‌లో రాజ‌మౌళి తెర‌కెక్కించిన చిత్రం ఆర్ఆర్ఆర్. ఈ సినిమా ఎంత ప్ర‌భంజ‌నం సృష్టించిందో ప్ర‌త్యేకంగా చెప్ప‌న‌క్క‌ర్లేదు. ఈ మూవీ అవార్డుల వేడుక‌ల‌లో కూడా అద‌ర‌హో అనిపిస్తుంది. ఆర్ఆర్ఆర్ చిత్రం హాలీవుడ్ క్రిటిక్స్ అసోసియేషన్ వేడుకలో ఏకంగా నాలుగు విభాగాల్లో అవార్డులు సొంతం చేసుకొని అద‌ర‌హో అనిపించింది. మెగా ప‌వర్ స్టార్ రామ్ చ‌రణ్‌కి హెచ్ సి ఏ లో స్పాట్ లైట్ అవార్డు దక్కింది. ఈ వేడుక‌లో చ‌ర‌ణ్ హంగామా ఎక్కువ‌గా కనిపించింది. అయితే ఎన్టీఆర్ ఫ్యాన్స్ లోని ఓ వ‌ర్గం మాత్రం హెచ్ సి ఏ అవార్డ్స్ పై తీవ్ర అసంతృప్తి వ్య‌క్తం చేశారు.

హెచ్ సి ఏ సంస్థ ఎన్టీఆర్ ని గౌరవించకుండా ఏకపక్షంగా వ్యవహరిస్తోంది అంటూ సోషల్ మీడియాలో పెద్ద ఎత్తున ట్రోలింగ్ చేయ‌డంతో హెచ్ సి ఏ సంస్థ స్పందిస్తూ పూర్తి క్లారిటీ ఇచ్చింది. డియర్ ఆర్ఆర్ఆర్ ఫ్యాన్స్.. హెచ్ సి ఏ ఫిలిం అవార్డ్స్ కి హాజరు కావాలని మేము ఎన్టీఆర్ ని ముందుగా ఆహ్వానించాము. కానీ ఇండియాలో తన సినిమా షూటింగ్ పనుల వల్ల తారక్ హాజరు కాలేదు. త్వరలోనే తారక్ మా నుంచి అవార్డు అందుకుంటారు అంటూ క్లారిటీ ఇచ్చి ఎన్టీఆర్ అభిమానుల‌ని శాంత‌ప‌రిచే ప్ర‌య‌త్నం చేశారు. ఏది ఏమైనా ఎన్టీఆర్ ఆస్కార్ ప్రమోషన్స్ కోసం త్వరలోనే యుఎస్ వెళ్లనుండ‌గా, ఆ స‌మ‌యంలో హెచ్ సీఏ అవార్డు అందుకునే అవకాశం ఉంది.

also read :

moral stories in telugu : చెప్పుడు మాటలు వింటే చెడిపోతారు జాగ్రత్త !

Keerthy Suresh Looks Stylish at Netflix Red Carpet Event