viral video : వరుడు ‘దూకుడుగా’ వివాహ కేకును వధువు ముఖంపై పగులగొట్టిన వైరల్ వీడియో నెటిజెన్స్ ను ఉలిక్కిపడేలా చేసింది. పెళ్లి రోజు తన భార్యపై చేసిన చిలిపి టిక్ టాక్ వీడియో వైరల్ అయిన తర్వాత వరుదీని చాలా మంది సోషల్ మీడియాలో దుమ్మెత్తిపోస్తున్నారు.
క్లిప్‌లో వరుడు తన వధువు జేడ్ కెన్నెడీ ముఖంపై వెడ్డింగ్ కేక్ ను పగులగొట్టినట్లు కనిపిస్తుంది. అది అతను ఎంత దూకుడుగా చేశాడంటే ఆమె ఆ ధాటికి పడిపోయింది. అయితే, అతని భార్య మాత్రం ఇదంతా చాలా సరదాగా ఉందని ఆ పోస్ట్ లో పేర్కొంది.
వీడియోలో, వరుడు వివాహ కేక్ వద్దకు వెళ్లి, ఒక ముక్కను పట్టుకుని కెన్నెడీని వెంబడించాడు, ఆమె అతని నుండి పారిపోవడానికి ప్రయత్నించింది.కానీ ఆమె ఒక మూలకు వచ్చి, చేతులు పైకి లేపి, కేక్‌ను తన ముఖంపై పగలగొట్టవద్దని వరుడిని అభ్యర్ధించినట్లు కనిపిస్తుంది. అయినప్పటికీ, వరుడు ఆమెను విడిచిపెట్టలేదు మరియు ఆమె ముఖానికి కేక్ రుద్దడం ప్రారంభించాడు. ఆమె అతనికి దూరంగా జరగడానికి ప్రయత్నిస్తున్నప్పుడు కింద పడిపోయింది.
అతను తన పని అయ్యాక ఆమెకు సహాయం చేస్తాడు, అయితే కెన్నెడీ ఈ సంఘటన మొత్తం నవ్వుతూ ఉంటుంది. ఆ తర్వాత, ఆమె దుస్తుల నుండి రెడ్ కేక్‌ను శుభ్రం చేయడానికి ఒక అతిథి తరువాత ఆమెకు సహాయం చేసారు.
అయితే ఈ వైరల్ వీడియోపై ఒక్కక్కరు ఒక్కోలా స్పందిస్తున్నారు.
“నేను అయితే వెంటనే విడాకులు తీసుకుంటాను!!!!” అని ఒక వ్యక్తి అభిప్రాయపడ్డాడు.
‘వధువులు తమ పెళ్లి రోజు మేకప్ కోసం చాలా డబ్బు ఖర్చు చేస్తారు ఇటువంటి పని ఆ కష్టాన్ని మొత్తం వృధా చేస్తుంది’ అంటూ మరొక యూజర్ కామెంట్ చేసారు.
“అదే మా నాన్న అయితే వరుడు ఇంత దూకుడుగా ఉంటే, ఖచ్చితంగా అతన్ని వెళ్లగొట్టి ఉండేవారు” అంటూ మరొకరు కామెంట్ చేసారు.