Grapes: పండ్లు మ‌న ఆరోగ్యానికి ఎంత మేలు చేస్తాయో ప్ర‌త్యేకంగా చెప్ప‌న‌క్క‌ర్లేదు. ఏ ర‌క‌మైన పండ్లు తీసుకున్నా కూడా మ‌న‌కు ఎంతో కొంత ప్రయోజనం చేకూరుస్తాయి. ద్రాక్ష పండ్లు రుచిగా ఉండ‌డ‌మే కాకుండా మ‌న ఆరోగ్యానికి ఎంతో కొంత మేలు చేస్తాయి.
ద్రాక్షను రెగ్యులర్‌గా తీసుకుంటే దీర్ఘాయుష్షు ఉంటుందని ఇటీవల పరిశోధనల‌లో తేలింది. ఇందులో ఉండే కొవ్వు కూడా మ‌న‌కు మంచి చేస్తుంది. విటమిన్ సి, విటమిన్ ఎ, యాంటీ ఇన్ఫ్లమేటరీ, యాంటీఆక్సిడెంట్లు వంటి అనేక ముఖ్యమైన పోషకాలను కలిగి ఉంటంది.
మంచితో పాటు చెడు కూడా..
ద్రాక్ష పండ్లు తీసుకోవడం వ‌ల‌న శరీరంలో మంట తగ్గుతుంది. అలాగే, శరీరంలోని కణాలు, DNA ఆరోగ్యంగా ఉంచడంలో కూడా ఇది ఎంత‌గానో సహాయపడుతుంది.
ద్రాక్షలో ఉండే యాంటీ-ఆక్సిడెంట్లు ప్రీ రాడికల్స్ దెబ్బతినకుండా చేస్తాయి. అలానే రోగ నిరోధ‌క శ‌క్తి బ‌ల‌ప‌డ‌డంలోను ప్ర‌ధాన పాత్ర పోషిస్తుంది. మీ శరీరాన్ని ఫ్రీ రాడికల్స్ ద్వారా దెబ్బతినకుండా కాపాడతాయి. ఇది శరీరంలో క్యాన్సర్ కణాల పెరుగుదలను నిరోధించవచ్చు. ఇది క్యాన్సర్ ప్రమాదాన్ని తగ్గిస్తుంది.
బ్యాక్టీరియా, వైరస్‌లతో పోరాడడంలో ఇది చాలా సహాయపడుతుంది. ద్రాక్షలో సోడియం పరిమాణం తక్కువగా ఉండ‌డం వ‌ల‌న రక్తపోటు సమస్యను నియంత్రిస్తుంది. ర‌క్త పోటు ఉన్న వారు ద్రాక్ష తింటే మీ ఆరోగ్యానికి ప్రయోజనం చేకూరిన‌ట్టే. ద్రాక్షను క్రమం తప్పకుండా తీసుకోవడం వల్ల మీ ఎముకలు కూడా ధృడంగా మార‌తాయి.
అయితే ద్రాక్షను ఎక్కువ ప‌రిమాణంలో తీసుకున్న కొన్ని స‌మ‌స్య‌లు ఉత్ప‌న్నం అవుతాయి. . ద్రాక్షలో లిక్విడ్ ప్రోటీన్ ట్రాన్స్‌ఫేరేస్ ఉంటుంది. దీని వ‌ల‌న అలెర్జీస్ తలెత్తుతాయి. దురద, దద్దుర్లు, నోటి వాపు వంటి లక్షణాలు కూడా మ‌న‌లో క‌నిపించే అవ‌కాశం ఉంటుంది.