Gangavva: కొత్త ఇల్లు క‌ట్టుకోవ‌డానికి నాగార్జున ఎంత ఇచ్చాడో చెప్పిన గంగ‌వ్వ‌

sandeep N

2 years ago

Gangavva: ‘మై విలేజ్ షో’ తో యూట్యూబ్ స్టార్ గా పాపులారిటీ పొంది ఆ తర్వాత బిగ్ బాస్ కంటెస్టెంట్‌గా అడుగు పెట్టి మంచి గుర్తింపు తెచ్చుకుంది గంగ‌వ్వ‌. బిగ్ బాస్ షో ద్వారా గుర్తింపే కాకుండా డ‌బ్బులు కూడా బాగా రావ‌డంతో జగిత్యాల జిల్లా మల్యాల మండలం లంబాడిపల్లిలో ఇల్లు నిర్మించుకుంది. ఆ మ‌ధ్య ఇంట్లోకి గృహ ప్రవేశం చేసింది. ఈ వేడుకలో పలువురు బిగ్ బాస్ షో కంటెస్టెంట్లు, స్థానిక ఎమ్మెల్యే, మై విలేజ్ షో టీమ్ మెంబర్స్ కూడా పాల్గొని సంద‌డి చేశారు. అప్పుడు హీరో నాగార్జునకు, బిగ్ బాస్ టీమ్ కు గంగవ్వ ధన్యవాదాలు తెలిపారు.

తాజాగా ఓ ఛానెల్ ఇంట‌ర్వ్యూలో పాల్గొన్న గంగ‌వ్వ చెప్పినట్లుగానే నాగార్జున తన ఇంటి నిర్మాణానికి సాయం చేసార‌ని, కొత్త ఇంటి నిర్మాణం కోసం రూ. 7 లక్షలు సాయం చేసినట్లు పేర్కొంది. ఇక బిగ్ బాస్ షోలో పాల్గొన్నందుకు 5 వారాలకు రెమ్యూనరేషన్ కింద 10 లక్షలు ఇచ్చారని చెప్పుకొచ్చింది.

మొత్తం ఇల్లు కట్టేందుకు 20 లక్షలు ఖర్చు అయినట్లు ఇంట‌ర్వ్యూలో తెలియ‌జేసింది గంగ‌వ్వ‌. బిగ్ బాస్ ఇంట్లో ఉండటం అప్పట్లో తనకు ఏ మాత్రం అర్థం కాలేదని, ఇప్పుడు అయితే, ఇంకా ఎక్కువ రోజులు ఉంటాన‌ని పేర్కొంది.