Pawan Kalyan: టాలీవుడ్ టాప్ హీరో పవన్ కళ్యాణ్ ప్ర‌స్తుతం సినిమాలు చేస్తూనే మ‌రోవైపు రాజ‌కీయాల‌లోను బాగా హార్డ్ వ‌ర్క్ చేస్తున్నారు. రోజులోని 24 గంట‌ల‌లో పవన్ ఒక్క క్ష‌ణం కూడా ఖాళీగా ఉండ‌డం లేదేమో అనిపిస్తుంది. ఈ ఏడాది వ‌రుస సినిమాల‌తో పవన్ సంద‌డి చేయ‌బోతున్నాడు. పవర్ స్టార్ పవన్ కళ్యాణ్ హీరోగా క్రిష్ దర్శకత్వంలో హరిహర వీరమల్లు అనే చిత్రం అత్యంత ప్రతిష్టాత్మకంగా రూపొందుతున్న విష‌యం తెలిసిందే. ఈ సినిమాపై అంద‌రిలో భారీ అంచ‌నాలు ఉన్నాయి.
అయితే మూవీ సెట్స్ లో భారీ అగ్ని ప్రమాదం చోటు చేసుకుంది. హైదరాబాద్ దుండిగల్ పరిధిలోని బౌరంపేటలో అర్థరాత్రి సమయంలో ఈ ఘటన జరిగినట్టు తెలుస్తుంది. గతంలో బౌరంపేటలో వేసిన సెట్ వర్షానికి కూలిపోవడంతో దానికి మరమ్మత్తు చేస్తున్న సమయంలో ఈ అగ్ని ప్రమాదం జరిగిందని అంటున్నారు. ప్రమాదం జరిగిన వెంటనే ఫైర్ సిబ్బంది రంగంలోకి దిగి పరిస్థితిని అదుపులోకి తెచ్చారు.
సెట్ తొలగిస్తుండగా థర్మకోల్ కు వెల్డింగ్ నిప్పుకణికలు అంటుకోవ‌డం వ‌ల‌న ఈ ప్రమాదం జరిగినట్టు వినికిడి. అయితే వెంటనే గమనించిన చిత్ర యూనిట్ బృందం మంటలు ఆర్పేయడంతో పెద్ద ప్రమాదం తప్పింది. నష్టం కూడా పెద్ద‌గా ఏం జ‌ర‌గలేద‌ని అంటున్నారు. పవన్ కల్యాణ్, క్రిష్ జాగర్లమూడి కాంబినేషన్ లో తెరకెక్కుతున్న చిత్రం హరిహర వీరమల్లు సినిమాచాలా రోజుల నుండి సెట్స్ పై ఉంది. ఈ సినిమా కోసం ఫ్యాన్స్ ఎంతో ఆస‌క్తిగా ఎదురు చూస్తున్నారు.ఈ మూవీకి సంబంధించి ఇప్పటికే ఓ వీడియో విడుద‌ల కాగా, ఇది ప్రేక్ష‌కుల‌ని ఎంతగానో ఆక‌ట్టుకుంది. ఈ చిత్రం బాక్సాఫీస్ ని షేక్ చేస్తుంద‌ని అంటున్నారు.
ఇక పవన్ విష‌యానికి వ‌స్తే.. అటు ఏపీ రాజకీయాల్లో యాక్టివ్‌గా ఉంటూనే సినిమా సెట్స్ మీద చురుకుగా వ్యవహరిస్తున్నారు . ఇప్పటికే కమిటైన అన్ని సినిమాలను త్వరగా ఫినిష్ చేస్తున్నారు. ఈ క్రమంలోనే క్రిష్ దర్శకత్వంలో రూపొందుతున్న హరిహర వీరమల్లు సినిమా త్వరగా పూర్తి చేసే పనిలో ఉన్నారు.. విభిన్నమైన చారిత్రక అంశాలను ఆధారంగా చేసుకుని అత్యంత ప్రతిష్టాత్మకంగా సినిమాను రూపొందిస్తున్నారు క్రిష్. ఇక ఈ చిత్రంలో రాబిన్ హుడ్ తరహా రోల్ చేస్తున్నారు పవర్ స్టార్.
ఏఎం రత్నం ప్రతిష్టాత్మకంగా నిర్మిస్తున్న ఈ సినిమాలో యాక్షన్ ఎపిసోడ్స్ అంద‌రిని ఎంతగానో ఆక‌ట్టుకుంటాయ‌ట. బడ్జెట్ విషయంలో ఎక్కడా కాంప్రమైజ్ కాకుండా అన్ని హంగులతో ఈ చిత్రాన్ని తెరకెక్కిస్తున్నట్టు స‌మాచారం.. దాదాపు 150 కోట్లకు పైగా బడ్జెట్ కేటాయించి ఈ సినిమాను తెరకెక్కిస్తున్నారు. ఈ భారీ సినిమాలో పవన్ కళ్యాణ్ సరసన హాట్ బ్యూటీ నిధి అగర్వాల్ హీరోయిన్ గా నటిస్తుండ‌గా, ఆస్కార్ విన్న‌ర్ కీరవాణి బాణీలు కడుతున్నారు.
read more news :
NTR:త‌న తాత‌కి అస‌హ‌నంతో నివాళులు అర్పించిన ఎన్టీఆర్.. కారణం ఏంటో తెలుసా?