Family Star : ఫ్యామిలీ స్టార్ .. విజయ్ దేవరకొండ (vijay deverakonda), మృణాల్ ఠాకూర్ (mrunal thakur) జంటగా నటించిన యువ దర్శకుడు పరశురామ్ పెట్ల దర్శకత్వంలో తెరకెక్కుతున్న తాజా చిత్రం. లవ్, ఫ్యామిలీ యాక్షన్ ఎంటర్‌టైనర్ గా తెరకెక్కుతున్న ఈ సినిమా ఫస్ట్ లుక్ టీజర్ ఇటీవల విడుదలై అందరినీ ఆకట్టుకోవడంతో పాటు సినిమాపై మంచి అంచనాలను ఏర్పరుస్తుంది. గోపీ సుందర్ సంగీతం అందించిన ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్ రాజు నిర్మించారు.
మూవీ రిలీజ్ డేట్
వాస్తవానికి ఈ మూవీని రానున్న 2024 సంక్రాంతి కానుకగా ఆడియన్స్ ముందుకి తీసుకురానున్నట్లు ఇటీవల మేకర్స్ ప్రకటించారు. అయితే కొన్నాళ్ల క్రితం వీసాలు ఆలస్యం కావడంతో సినిమా అమెరికా షెడ్యూల్ వాయిదా పడింది అనే వార్త వైరల్ గా మారింది.
ఇక లేటెస్ట్ టాలీవుడ్ బజ్ ప్రకారం.. అమెరికాలో ఈ షెడ్యూల్‌ని అతి త్వరలో పూర్తి చేసి, మిగిలిన బ్యాలెన్స్ వర్క్‌ను త్వరగా పూర్తి చేసి, ముందుగా ప్రకటించినట్టుగానే సినిమాను సంక్రాంతి కానుకగా విడుదల చేయాలని మేకర్స్ గట్టిగా ప్లాన్ చేస్తున్నారు.
గీత గోవిందం తర్వాత మళ్లీ విజయ్, పరశురామ్ కాంబినేషన్‌లో వస్తున్న ఈ సినిమా ప్రేక్షకులను ఏ మేరకు ఆకట్టుకుంటుందో తెలియాలంటే మరో రెండు నెలలు ఆగాల్సిందే.