Bigg Boss 6: ప్ర‌స్తుతం బిగ్ బాస్ సీజ‌న్ 6 పరిస్థితులు చూస్తుంటే సీజ‌న్2 గుర్తుకొస్తుంది. అప్పుడు కౌశ‌ల్ ని టార్గెట్ చేస్తూ ఆయ‌న‌ని విజేత‌గా నిలిపారు. చూస్తుంటే ఈ సీజ‌న్‌లో ఇనయ విన్న‌ర్ అవుతుందా అనే సందేహాలు క‌లుగుతున్నాయి. శ్రీహాన్, శ్రీసత్య, ఫైమా, రేవంత్, ఆదిరెడ్డి.. ఈ బ్యాచ్ అంతా కలిసి ఇనయ సుల్తానాని టార్గెట్ చేస్తూ మాట్లాడుతున్నారు . అసలు హౌస్‌లో ఉండటానికి అర్హతే లేదన్న ఇనయకి వారంతా టైటిల్ ఇచ్చిపంపేట్టు కనిపిస్తోంది .నామినేష‌న్ స‌మ‌యంలో ఆమెని టార్గెట్ చేస్తూ రెచ్చిపోయే వీరు తాజా పిసోడ్‌లోనూ సేమ్ సీన్.. ఇనయని టార్గెట్ చేసి జైలుపాలు చేశారు. వరస్ట్ పెర్ఫామర్‌గా ఆమెను నామినేట్ చేసి జైలుకు పంపడంతో.. ఆమెకు వస్తున్న సింపథీ ఓట్లను రెట్టింపు చేశారు.
ఇన‌యాకి పెరుగుతున్న సింప‌థి
శుక్రవారం నాటి 69 ఎపిసోడ్‌లో ఎట్ట‌కేల‌కు ఫైమా కెప్టెన్ అయ్యింది. ఆదిరెడ్డి తొండి గేమ్‌తో.. రేవంత్ చెత్త సంచాలక్‌తో ఫైమా కెప్టెన్ అయ్యిందనే చెప్పాలి. ఈ ప్రాసెస్‌లో ఆదిరెడ్డి-ఫైమాలు కలిసి ఆడుతున్నారని అన్నందుకు ఇనయని పర్సనల్ ఎటాక్ దిగ‌డంతో ఆదిరెడ్డి కాస్త నోరు జారాడు. ఇక ఫైమా అయితే తెగ వెట‌కారం ప్ర‌ద‌ర్శించింది. అయ్యయ్యో ఇనయ.. నీకు ఎవరూ సపోర్ట్ చేయడం లేదా? నువ్ ఇంకా ఎన్నోరోజులు హౌస్‌లో ఉండవు ఇనయా.. ఉన్నాన్నాళ్లైనా సరిగా ఉండు అని హేళ‌న‌గా మాట్లాడింది. కెప్టెన్ అయ్యాక ఫైమాని ఇనయ అభినందించింది. ఇక జైలుకివెళ్లడానికి వరస్ట్ కంటెస్టెంట్ ఎవరో చెప్పాలని అన్నప్పుడు ఫైమా.. తన తొలి స్టాంప్‌ని వాసంతికి వేయ‌గా, ఇనయ.. రోహిత్‌ని వరస్ట్ పెర్ఫామర్‌గా నామినేట్ చేసింది. ఆ తరువాత బాలాదిత్య.. రేవంత్‌ని వరస్ట్ పెర్ఫామర్‌గా నామినేట్ చేయ‌గా, శ్రీహాన్ ఇన‌యాని ఫిక్స్ చేశాడు.
అనంత‌రం వాసంతి… కీర్తి, రాజ్.. శ్రీసత్య, మెరీనా.. కీర్తి, శ్రీసత్య.. రేవంత్, ఆదిరెడ్డి.. మెరీనా, రోహిత్.. ఇనయ, రేవంత్.. శ్రీసత్య, కీర్తి.. రోహిత్ ఇలా వీళ్ల‌లో ఇనయకి ఎక్కువ ఓట్స్ రావ‌డంతో ఆమె జైలుకి వెళ్లాల్సి వ‌చ్చింది. అయితే ఆ స‌మ‌యంలో ఇనయ మాత్రం నవ్వుతూనే.. మహా అయితే జైలుకి పంపుతారు.. లేదంటే నామినేట్ చేస్తారు. కానీ ఇక్కడ ఉండాలా లేదా అన్నది డిసైడ్ చేసేది మాత్రం ఆడియన్స్ అని ధీమాగా చెప్పి జైలుకి వెళ్లింది. మొత్తంగా ఇనయని జైలుకి పంపడంతో మరోసారి ఆమెపై సింపథీ పెరిగేలా చేశారు దండుపాళ్యం బ్యాచ్.
also read news:
horoscope: 12-11-2022 రాశి ఫలాలు.. ఈ రాశి వారికి విజయం ఖాయం
Ghost Prank : తల్లిని సరదాగా భయపెట్టిన యువతి.. షాక్‌కు గురైన తల్లి.. వైరల్ అవుతున్న వీడియో