Dhanush: ప్ర‌స్తుతం త‌మిళంలో స్టార్ హీరోగా ఓ వెలుగు వెలుగుతున్న ధ‌నుస్ కొద్ది రోజుల క్రితం చెన్నైలోని పోయస్‌ గార్డెన్‌లో తన త‌ల్లిదండ్రుల కోసం ఓ పెద్ద ఇల్లు కట్టించారన్న సంగతి తెలిసిందే.
ఈ ఇంటి విలువ అక్షరాలా 150 కోట్ల రూపాయల పైమాటేనని తెలుస్తుంది. అయితే, ధనుష్‌ హఠాత్తుగా ఇంత పెద్ద ఇల్లు కట్టుకోవటానికి రజినీకాంత్‌తో వ్యక్తిగత వివాదం అని సోష‌ల్ మీడియాలో ప్ర‌చారం న‌డుస్తుంది.
గతంలో రజినీకాంత్‌ ధనుష్‌ తల్లిదండ్రుల్ని అవమానించ‌డంతో ఆ కోపంతోనే రజినీ ఇంటి పక్కన పోయస్‌ గార్డెన్‌లో ఇల్లు క‌ట్టిన‌ట్టు ప్ర‌చారం జ‌రుగుతుంది.అయితే ఈ వార్తల్లో ఎలాంటి నిజాలు లేవు. ఇవి కేవలం పుకార్లు మాత్రమే.
ధనుష్‌ ఆ ఇల్లు కట్టుకోవటానికి అది కారణమని భావించటం మూర్ఖత్వం అంటూ ఓ రిపోర్ట‌ర్ స్ప‌ష్టం చేశారు. ధనుష్‌-ఐశ్యర్య విడిపోక ముందు ఈ ఇంటి నిర్మాణం ప్రారంభం కాగా, అప్పుడు ఆ ఇద్దరూ అక్కడే ఉండాలని అనుకున్నారట.
విడిపోవటంతో ఇక, ఆ ఇంటిని ధనుష్‌ తన తల్లిదండ్రులకు బహుమతిగా ఇచ్చారని తెలుస్తుంది. ఇక ఇటీవ‌ల ధనుష్‌- సంయుక్త జంటగా నటించిన సార్‌ సినిమా తెలుగులో మంచి విజయాన్ని సొంతం చేసుకోవ‌డంతో పాటు భారీ స్థాయిలో కలెక్షన్లను రాబడుతున్న విష‌యం విదిత‌మే.
also read :