Dasara: నాని, కీర్తి సురేష్ ప్ర‌ధాన పాత్ర‌ల‌లో శ్రీకాంత్ తెర‌కెక్కించిన చిత్రం దసరా. ఈ చిత్రం విడుద‌లైన తొలి రోజు నుండి మంచి కలెక్ష‌న్స్ రాబ‌డుతూ దూసుకుపోతుంది. నిర్మాత చెరుకూరి సుధాకర్ ఫుల్ ఖుష్ అవుతున్నారు. గ‌తంలో ఈయ‌న పడి పడి లేచె మనసు, విరాటపర్వం, రామారావు ఆన్ డ్యూటీ వంటి సినిమాలు తీయ‌గా అవి మంచి ఫలితం అందుకోలేకపోయాయి. మంచి హిట్ కోసం ఎన్నాళ్లుగానో ఎదురు చూస్తున్న నిర్మాత‌కి దసరా సినిమా మంచి హిట్ తెచ్చింది.
dasara telugu movie review : ‘దసరా’ తెలుగు మూవీ రివ్యూ
తమ బ్యానర్ కు మంచి సినిమా ఇచ్చాడనే ఆనందంలో నిర్మాత సుధాకర్ ఓ భారీ గిప్ఠ్ ను దర్శకుడు శ్రీకాంత్ కు ఇవ్వబోతున్నారు. బి ఎమ్ డబ్ల్యు కారును ఇప్ప‌టికే బుక్ చేయ‌గా, ఒకటి రెండు రోజుల్లో డెలివరీ తీసుకుని డైరక్టర్ కు గిఫ్ట్‌గా ఇవ్వబోతున్నారట నిర్మాత. నిజానికి దసరా సినిమా తెలుగు రాష్ట్రాల హక్కులు ముందుగా అమ్మేసారు కానీ లేదంటే నిర్మాతకు ఒక్క నైజాం మీద కనీసం ఏడెనిమిది కోట్లు ఓవర్ ఫ్లోస్ వచ్చి ఉండేవ‌ని ట్రేడ్ వ‌ర్గాలు చెబుతున్న మాట.