Chiranjeevi: మెగాస్టార్ చిరంజీవి.. ఈ పేరుకి ప్ర‌త్యేక పరిచ‌యాలు అక్క‌ర్లేదు. కుర్ర హీరోల‌తో పోటి ప‌డి సినిమాలు చేస్తున్నారు చిరు. ఆయ‌న ఇటీవ‌ల న‌టించిన వాల్తేరు వీర‌య్య ఎంత పెద్ద హిట్ కొట్టిందో మ‌నం చూశాం. ఇప్పుడు భోళా శంక‌ర్‌తో ప‌ల‌క‌రించ‌బోతున్నారు. అయితే ఇప్పటి వరకు కొత్త సినిమా ప్రకటన లేదు. కాని చాలా రూమర్స్ వినిపిస్తున్నాయి. చిరంజీవి నెక్ట్స్ సినిమా ఎవరితో అనేది ఇప్పుడు పెద్ద సస్పెన్స్ గా మారింది.. పేరున్న చాలా మంది దర్శకులు, కొత్త డైరెక్టర్ల పేర్లు తెరపైకి వస్తున్నా వాటిపై క్లారిటీ అనేది లేదు.
తాజా స‌మాచారం ప్ర‌కారం చిరు.. ఇద్దరు యంగ్ డైరెక్టర్స్ తో సినిమాలు చేసేందుకు చిరు సిద్ధమయ్యారట. అందులో ఒకరు `సోగ్గాడే చిన్ని నాయన`, `బంగార్రాజు` వంటి ఫ్యామిలీ, కమర్షియల్‌ ఎంటర్‌టైనింగ్‌ చిత్రాలను అందించిన కళ్యాణ్ కృష్ణ అయితే, `బింబిసార`తో మంచి విజయాన్ని అందించిన వశిష్ట ఉండటం విశేషం. ఈ ఇద్దరితో చిరంజీవి తన నెక్ట్స్ సినిమాలు చేయబోతున్నార‌ని ఫిలిం న‌గ‌ర్ వ‌ర్గాల స‌మాచారం. ఈ రెండు సినిమాలకు సంబంధించిన ప్రకటన త్వరలోనే వచ్చే అవకాశం ఉందని టాక్ వినిపిస్తుంది.