Chiranjeevi : మెగాస్టార్ చిరంజీవి ఇటీవ‌ల ట్రిపుల్ ఆర్ టీంని స‌త్క‌రించిన విష‌యం తెలిసిందే. ఈ సినిమాలోని నాటా నాటు సాంగ్ ఎంతటి సంచలనం సృష్టించిందో ప్రత్యేకంగా చెప్పాల్సిన పనిలేదు. తెలుగు సినిమా స్థాయిని ఏకంగా ఆస్కార్ వేదికగా సగర్వంగా చాటేలా చేయ‌డంతో ఈ చిత్ర బృందాన్ని ఇండస్ట్రీకి చెందిన ఎందరో ప్రముఖులు ప్రశంసలు కురిపించారు. ఈ క్రమంలోనే తాజాగా మెగాస్టార్ చిరంజీవి రచయిత చంద్రబోస్‌ను ఘనంగా సత్కరించారు.
ప్రస్తుతం చిరంజీవి హీరోగా తెరకెక్కుతోన్న భోళాశంకర్‌ సెట్‌లోకి చంద్రబోస్ ఆస్కార్ తో అడుగు పెట్ట‌గా, ఆ సందర్భంగా చిరు.. చంద్రబోస్‌కి శాలువా కప్పి చిరు సత్కారం చేశాడు. చంద్రబోస్ ఆస్కార్‌ని చిరుకి అందించగా గర్వంగా పైకెత్తి ఎంతో గర్వంగా ఫీల‌య్యారు చిరు.
ఇక ఇందుకు సంబంధించిన ఫొటోలను ట్విట్టర్‌లో పోస్ట్ చేసిన చిరంజీవి తన సంతోషాన్ని నెటిజన్లతో పంచుకున్నారు కూడా . ఫొటోలను పోస్ట్ చేస్తూ.. ’95 ఏళ్ల చరిత్రలో ఆస్కార్ వేదికపై తెలుగు పదాలు వినిపించడం అద్భుతమైన అనుభూతిని కలిగించింది’ అంటూ తన ట్వీట్‌లో పేర్కొన్నారు చిరు. ఈ పిక్స్ నెట్టింట వైర‌ల్‌గా మారాయి.
