AP News : 2024 ఎన్నికలు టీడీపీకి చాలా కీలకమైనవని భావిస్తున్న చంద్రబాబు నాయుడు, పార్టీ విజయానికి కంకణం కట్టుకున్నారు. ఎన్నికల యంత్రాంగాన్ని బలోపేతం చేయడానికి జిల్లా నాయకులతో సమావేశాలు నిర్వహిస్తూ, ఎలాంటి లోపాలు జరగకుండా వ్యూహరచన చేస్తున్నారు.
ప్రకాశం జిల్లాలో జరిగిన సమావేశంలో, గెలుపు అవకాశాలు ఎక్కువ ఉన్న అభ్యర్థులకు టిక్కెట్లు ఇస్తామని చంద్రబాబు నాయుడు స్పష్టం చేశారు. ఓట్ల కొనుగోలు, తప్పుడు ఓట్లు వంటి అక్రమాలకు వ్యతిరేకంగా అప్రమత్తంగా ఉండాలని నొక్కి చెప్పారు. ఈ సమస్యలను పరిష్కరించి నిష్పక్షపాత ఎన్నికలు జరిగేలా చూడవలసిన బాధ్యతను ఇన్‌చార్జులకు అప్పగించారు.
కేవలం పార్టీ నాయకత్వంపైనే ఆధారపడవద్దని, వ్యక్తిగతంగా కూడా బాధ్యత తీసుకుని ఓట్లను కాపాడుకోవాలని నాయకులకు పిలుపునిచ్చారు.