క్యాప్సికమ్ (Capsicum) అనేక ఆరోగ్య ప్రయోజనాలు కలిగి ఉన్న పోషకాల గని. వీటిలో విటమిన్లు, ఖనిజాలు, యాంటీ ఆక్సిడెంట్లు పుష్కలంగా ఉంటాయి. ముఖ్యంగా విటమిన్ సి వనరుగా క్యాప్సికమ్ అగ్రస్థానంలో ఉంది.
క్యాప్సికమ్ లోని విటమిన్ సి రోగ నిరోధక శక్తిని బలోపేతం చేస్తుంది. ఇది శరీరాన్ని వైరస్‌లు, బ్యాక్టీరియా వంటి వ్యాధికారకాల నుండి రక్షించడంలో కీలక పాత్ర పోషిస్తుంది. అంతేకాదు, క్యాప్సికమ్ లోని క్యాప్సైసిన్ అనే పదార్థం జీర్ణక్రియను మెరుగుపరుస్తుంది. జీర్ణశయం లోని కొవ్వును కరిగించడంలో సహాయపడుతుంది.
మరోవైపు, క్యాప్సికమ్ బరువు నియంత్రణకు కూడా ఉపయోగపడతాయి. తక్కువ కేలరీలతో కూడిన ఈ ఆహారం జీర్ణక్రియను వేగవంతం చేయడం ద్వారా బరువు తగ్గించడంలో సహకరిస్తుంది. అంతేకాదు, క్యాప్సికమ్ లోని యాంటీ ఆక్సిడెంట్లు కొన్ని రకాల క్యాన్సర్లను నివారించడంలో సహాయపడతాయని పరిశోధనలు సూచిస్తున్నాయి.
క్యాప్సికమ్ లోని క్యాప్సైసిన్ రక్త ప్రసరణను మెరుగుపరుస్తుంది. అలాగే, నొప్పిని తగ్గించే గుణాలను కూడా కలిగి ఉంటుంది.
గమనిక: క్యాప్సికమ్ లను అధికంగా తీసుకోవడం వల్ల కొందరికి జీర్ణ సమస్యలు, గ్యాస్, అజీర్ణం వంటి సమస్యలు తలెత్తవచ్చు. కాబట్టి సరైన మోతాదులో తీసుకోవడం మంచిది.