Bigg Boss 6 Telugu : బిగ్ బాస్ విన్న‌ర్‌గా రేవంత్… ర‌న్న‌ర్‌గా శ్రీహాన్

sandeep N

2 years ago

Bigg Boss 6 Telugu :కింగ్ నాగార్జున హోస్ట్ గా చేస్తున్న బిగ్ బాస్ సీజన్ 6 ఎట్ట‌కేల‌కు ముగిసింది.దాదాపు 105 రోజుల పాటు ఎంతో ఆస‌క్తిక‌రంగా సాగిన ఈ షోలో రేవంత్ విన్న‌ర్‌గా నిలిచాడు. ర‌న్న‌ర్‌గా శ్రీహాన్ నిలిచాడు. ఇక మూడో స్థానం కీర్తి దక్కించుకుంది. నాలుగో స్థానంలో ఆది రెడ్డి, ఐదో స్థానంలో రోహిత్ ఉన్నారు. ముందు నుండి రేవంత్ విన్న‌ర్‌గా నిలుస్తాడ‌ని అంద‌రు ఊహించ‌గా, అదే నిజ‌మైంది. ఎట్టకేల‌కు రేవంత్ త‌ను ప‌డ్డ క‌ష్టానికి ప్ర‌తి ఫ‌లం ద‌క్కింద‌నే చెప్పాలి. త‌న భార్య ప్ర‌గ్నెంట్‌తో ఉన్న‌ప్ప‌టికీ చాలా ధైర్యంతో బిగ్ బాస్ హౌజ్‌లోకి అడుగుపెట్టి గ‌ట్టిగా గేమ్ ఆడి ట్రోఫీ గెలుచుకున్నాడు.

ఫినాలే ఎపిసోడ్‌లో ఆట పాటలు, మాజీ హౌస్ మేట్స్ సరదా కబుర్లు, టాప్ 5లో ఉన్న వారి కుటుంబాల సందడి ఇలా బిగ్ బాస్ 6 గ్రాండ్ ఫినాలే హుషారుగా సాగింది.. నాగార్జున ప్రతి కంటెస్టెంట్ వీక్ నెస్ ని ఫన్నీగా చెబుతూ నవ్వించారు. అలాగే ఇంటి సభ్యులంతా హౌస్ లో జరిగిన సంఘటనలని గుర్తు చేసుకుని ఎమోషనల్ అయ్యారు. నాగార్జున నిఖిల్ కి ఒక పెద్ద బాధ్యత అప్పగిస్తూ… టాప్ 5లో ఒకరిని ఎలిమినేట్ చేయాలని నిఖిల్ ని హౌస్ లోకి పంప‌గా, రెండు నిమిషాల పాటు తెగ టెన్షన్ పెట్టాడు.చివరికి నిఖిల్ రెడ్ హ్యాట్ ని రోహిత్ తలపై పెట్టాడు. దీనితో రోహిత్ టాప్ 5 నుంచి ఎలిమినేట్ అయ్యాడు. అనంత‌రం ఆదిరెడ్డి ఎలిమినేట్ అయ్యాడు.

టాప్ 3లో ఉన్న కీర్తి, రేవంత్, శ్రీహాన్‌ల‌కి క్యాష్ ఆఫర్ ఇస్తానంటూ ర‌వితేజ హౌజ్ లోప‌ల‌కి వెళ్లి టెంప్ట్ చేసిన కూడా వారు టెంప్ట్ కాలేదు. దీంతో కీర్తికి రెడ్ సూట్ కేసు ఇచ్చి బ‌య‌ట‌కు తీసుకొచ్చాడు. దాంతో కీర్తి ఫుల్ ఎమోష‌న‌ల్ అయింది. అనంత‌రం నాగ్ బిగ్ బాస్ హౌజ్‌లోకి వెళ్లి ఇద్ద‌రు ఫ్రెండ్స్ అయిన రేవంత్‌, శ్రీహాన్ కి బంప‌ర్ ఆఫ‌ర్ ఇచ్చాడు. ముందు 25 ల‌క్ష‌ల ఆఫ‌ర్ ఇచ్చారు, నో చెప్ప‌డంతో 30 ల‌క్ష‌ల రూపాయ‌ల ఆఫ‌ర్ ఇచ్చారు. అనంత‌రం 40 ల‌క్ష‌ల ఆఫ‌ర్ ఇచ్చారు. హౌజ్ మేట్స్ చాలా మంది శ్రీహాన్‌ని తీసుకోమ‌ని అన్నారు. దాంతో శ్రీహాన్ చేసేదేం లేక సూట్ కేసు తీసుకున్నాడు. దాంతో రేవంత్ విన్న‌ర్‌గా నిలిచాడు. మొత్తానికి సీజ‌న్ 6 ఫినాలే ఎపిసోడ్ చాలా స‌ర‌దాగా గ్రాండ్‌గా జ‌రిగింది. అయితే ఫినాలేకి నేహా చౌద‌రి పెళ్లికూతురు గెటప్‌లో వచ్చింది. ఆమె పెళ్లి నేడే. ఈరోజు రాత్రి అనిల్‌తో నేహా చౌదరి వివాహం జరగనుంది. శనివారం ఆమెను పెళ్లికూతురుని చేశారు. శనివారమే ఫినాలే షూటింగ్ కూడా అయిపోయింది. ఆ షూట్‌లో నేహా చౌదరి పెళ్లికూతురు గెటప్‌లో పాల్గొంది. ప‌ది గంట‌ల‌కు త‌న పెళ్ల ముహూర్తం అని చెప్పింది.