Bigg Boss6: బిగ్ బాస్ సీజ‌న్ 6 ముగింపుకి మ‌రెంతో స‌మ‌యం లేదు. మ‌రో రెండు రోజుల‌లో విజేత ఎవ‌రు, ర‌న్న‌ర్ ఎవ‌రు అని తెలిపోనుంది. చివ‌రిగా ఇన‌య సుల్తానా హౌజ్ నుండి బ‌య‌ట‌కు రాగా, ప్ర‌స్తుతం ఇంట్లో ఆరుగురు ఉన్నారు. వీరికి బిగ్ బాస్ ఇటీవ‌ల వారి జ‌ర్నీని చూపించి ఆనంద‌ప‌రిచారు. ఇక ఇప్పుడు తెలివికి, సమయ స్ఫూర్తికి పరీక్ష పెట్టేలా బిగ్ బాస్ టాస్క్ లు ఇస్తున్నారు. గురువారం ఎపిసోడ్ లో ప్రేక్షకులకు ఓట్ అప్పీల్ చేసుకునే అంశం చుట్టూ షో ఆగింది. బిగ్ బాస్ ఇంటి సభ్యులకు కొన్ని టాస్క్ లు ఇచ్చి వాటిలో గెలిచిన వారికి.. ప్రేక్షకులని ఓట్ అప్పీల్ చేసుకునే ఛాన్స్ కల్పించగా, ఈ టాస్క్ లో రోహిత్, ఆదిరెడ్డి విజయం సాధించారు.
ఇక వీరిద్దరిలో ఎవరికి ఓట్ అప్పీల్ ఛాన్స్ కల్పించాలో ఇతర ఇంటి సభ్యులు ఏకాభిప్రాయంతో నిర్ణయించుకోవాలి అని చెప్ప‌డంతో మిగిలిన సభ్యుల్లో ముగ్గురు రోహిత్ కి ఓట్ వేయడంతో అతడికి ఓట్ అప్పీల్ ఛాన్స్ వచ్చింది. దీనితో రోహిత్ ప్రేక్షకులకు అప్పీల్ చేశాడు. ఇప్పటి వరకు తనకి సపోర్ట్ చేసినందుకు కృతజ్ఞతలు తెలిపాడు. ఇకపై కూడా ప్రేక్షకులు తనకు ఓట్ వేసి సపోర్ట్ ఇవ్వాలని, తాను బిగ్ బాస్ టైటిల్ గెలవాలని పట్టుదలతో ఉన్నట్లు రోహిత్ పేర్కొన్నాడు. ఇక ఈ టాస్క్ జరుగుతున్నప్పుడు శ్రీహన్, శ్రీసత్య మధ్య ఒక ఆసక్తికర సంఘటన చోటు చేసుకుంది. కొన్ని శబ్దాలు వచ్చే సమయంలో శ్రీసత్య మాట్లాడి డిస్ట్రబ్ చేసింది. దీనితో ఆ శబ్దాలు ఏంటో శ్రీహన్ కి అర్థం కాలేదు. ఫలితంగా పాయింట్స్ లో శ్రీహన్ కొంత వెనుకబడ్డాడు.
టాస్క్ పూర్తయ్యాక శ్రీహాన్.. శ్రీసత్యపై ఫుల్ ఫైర్ అయ్యాడు . నీవల్లే ఈ టాస్క్ కోల్పోయా అంటూ శ్రీసత్యని నిందించాడు. నావల్ల కేవలం రెండు పాయింట్స్ మాత్రమే పోయాయి.. మిగిలిన పాయింట్స్ తెచ్చుకుని ఉండొచ్చు కదా అంటూ శ్రీసత్య వాదించింది. నన్ను చెడగొట్టావ్, ఇక దొబ్బకు తల్లి అంటూ శ్రీహాన్ ఆమెపై చిర్రుబుర్రులాడాడు. శ్రీహాన్ ప్ర‌వ‌ర్త‌న చూసి అంద‌రు షాక్‌లో ఉన్నారు. ఇక చివ‌రిగా కోడి గుడ్లు గాజు గ్లాసులపై జాగ్రత్తగా ఉంచే టాస్క్ కూడా జరిగింది. ఈ టాస్క్ లో శ్రీసత్య, రేవంత్ విజయం సాధించ‌గా, ఇంటి సభ్యులు ఏకాభిప్రాయంతో శ్రీసత్యకి ఓట్ అప్పీల్ చేసుకునే ఛాన్స్ కల్పించ‌డంతో ఆమె తనకు ఓటువేయాలంటూ ప్రేక్షకులని కోరింది.