తెలుగులో పాపులర్ అయిన ‘బిగ్ బాస్’ రియాల్టీ షోకు నాగార్జున యాంకర్. ఇప్పటి వరకు ఆరు సీజన్లు విజయవంతంగా పూర్తి చేసుకున్న తర్వాత ఏడో సీజన్ (bigg boss telugu 7) ప్రారంభమైంది. ఆదివారం గ్రాండ్ లాంచ్ ఈవెంట్‌లో భాగంగా మొత్తం 14 మంది కంటెస్టెంట్లు హౌస్‌లోకి ప్రవేశించారు. అంతేకాకుండా సినిమా ప్రమోషన్స్‌లో భాగంగా పలువురు సినీ తారలు వేదికపైకి వచ్చి సందడి చేశారు. ఈ క్రమంలో యువ కథానాయకుడు విజయ్ దేవరకొండ షోకి వచ్చాడు. తాజాగా సమంతతో ‘ఖుషి’ సినిమా చేశాడు. ఇటీవలే ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద మంచి టాక్‌ను సొంతం చేసుకుంది.
ఈ సినిమా ప్రమోషన్‌లో భాగంగా ‘బిగ్ బాస్ సీజన్-7’ వేదికపైకి వచ్చి పలు ఆసక్తికర విషయాలను పంచుకున్నాడు. చాలా రోజుల తర్వాత మంచి విజయం సాధించింది. నాకు చాలా ఉపశమనంగా ఉంది. సినిమాను సక్సెస్ చేసిన ప్రేక్షకులకు ధన్యవాదాలు. ఈ సందర్భంగా నాగార్జున విజయ్‌ని ‘మీ హీరోయిన్ సమంత ఎక్కడ?’ అని అడగగా సమంత అమెరికాలో ఉంది అని విజయ్ చెప్పాడు. యుఎస్ ప్రమోషన్స్‌తో పాటు, తన ఆరోగ్యానికి చికిత్స కోసం వెళ్ళింది. త్వరలో ఇక్కడకు వస్తుంది . ప్రమోషన్స్‌లో పాల్గొంటుంది ‘ అని విజయ్ బదులిచ్చాడు.
నువ్వు మంచి నటుడివి. సామ్ కూడా బాగా నటిస్తుంది. సినిమాలో ఎవరు ఎవరిని డామినేట్ చేశారు?’ అని నాగ్ ప్రశ్నించగా.. ‘ఆధిపత్యాన్ని ప్రదర్శించేందుకు ప్రయత్నించాను. కానీ భార్యలు డామినేట్ చేస్తారు ’ అనగా నాగార్జున పగలబడి నవ్వారు. ‘ఏమాయ చేసావె’ చిత్రం నుంచి సమంతపై తనకు ఆరాధనా భావం కలిగిందని, ఆమెతో నటించడం మంచి అనుభూతిని కలిగిస్తోందని విజయ్ చెప్పాడు. ఆ తర్వాత విజయ్ హౌస్‌లోకి వెళ్లి అక్కడ వారిని కలిశాడు.
అక్కినేని ఫ్యామిలీ డ్రామా ‘మనం’లో నాగార్జున, నాగ చైతన్యతో కలిసి సమంత నటించిన సంగతి తెలిసిందే. ఆ తర్వాత సామ్-చైతుల పెళ్లి చేసుకున్నారు. చైతన్య మరియు సమంత ఇద్దరూ వ్యక్తిగత కారణాల వల్ల తమ వివాహాన్ని ముగించుకుంటున్నట్లు గతంలో ప్రకటించారు.