Bigg Boss Telugu 6 : బిగ్ బాస్ సీజన్ 6లో కంటెస్టెంట్స్ శృతి మించిపోతున్నారు. కెప్టెన్సీ టాస్క్‌లో భాగంగా బిగ్ బాస్ హోటల్ టాస్క్ ఇవ్వ‌గా మొదటి రోజు ఆటలో బీబీ హోటల్ స్టాఫ్ కంటే గ్లామ్ రెస్టారెంట్‌ స్టాఫ్ ఎక్కువ మ‌నీని సంపాదించి బీబీ హోటల్‌ని తమ ఆదీనంలోకి తీసుకున్నారు.
ఇక చంటికి ఇచ్చిన సీక్రెట్ టాస్క్ తుస్సుమంది. ఆ టాస్క్‌లో ఆయ‌న విఫ‌లం కావ‌డంతో కెప్టెన్సీ పోటీ దారుల జాబితా నుండి తొల‌గించ‌బ‌డ్డాడు. ఇక విన్నర్గా నిలిచిన గ్లామ్ రెస్టారెంట్‌ స్టాఫ్ ..బీబీ హోటల్ లో నుంచి ఇద్దరిని కెప్టెన్సీ పోటీదారుల నుండి తొల‌గించే అవ‌కాశం ద‌క్కించుకోగా, తమకు స్ట్రాంగ్‌ ప్లేయర్‌గా భావించిన రేవంత్, బాలాదిత్యలను తొల‌గించారు.
ఆస్కార్ ప‌ర్‌ఫార్మెన్స్‌లే..
అర్ధ‌రాత్రి రాజ్, ఇన‌య‌లు ఒకే బెడ్‌పై దుప్ప‌టిక‌ప్పుకొని ప‌డుకోవ‌డం, రేవంత్ చేత ఇన‌య కాళ్లు ఒత్తించుకోవ‌డం వంటివి చేసి ఇది బిగ్ బాస్ హౌజా లేక మ‌రేదైన అనేలా ఆశ్చ‌ర్యాన్ని క‌లిగించారు.
రోహిత్‌ వద్ద డబ్బు కొట్టేసేందుకు ఆరోహి తెగ ప్రయత్నించ‌గా, దానికి మరీనా సపోర్ట్ చేయడం విశేషం. ఈ క్రమంలో ఆమె కూడా తన భర్త రోహిత్‌ని హగ్‌చేసుకుంది.
ఇదంతా ఓవైపు నడుస్తుంటే, మరోవైపు శ్రీసత్య, అర్జున్‌ల మధ్య మరో కెమిస్ట్రీ నడుస్తుంది. శ్రీసత్యకి అర్జున్‌ గట్టిగానే పులిహోర క‌లుపుతున్నాడ‌ని తెలుస్తుంది.
జైలులో ఉన్న‌ప్పుడు ముట్టుకుంటేనే ఎగిరెగిరి ప‌డ్డ శ్రీ స‌త్య.. ఇప్పుడు టాస్క్‌ల‌లో మాత్రం టాస్క్‌లో మాత్రం ఎక్కడపడితే అక్కడ చేతులు వేయించుకుంది.
డబ్బులిస్తున్నాడని కొసరికొసరి అర్జున్‌కి తినిపించి ఏందిది అనేలా అంద‌రు నోరెళ్ల‌పెట్టేలా చేస్తుంది. మొత్తానికి కెప్టెన్సీ టాస్క్ ఏమో కాని ఒక్కొక్క‌రు మాత్రం ఆస్కార్ రేంజ్‌లో జీవించేశారు.
రేవంత్ అయితే తానే బిగ్ బాస్ విన్నర్ అవుతాడ‌ని గ‌ట్టిగా న‌మ్ముతున్నాడు.