Bigg Boss: బుల్లితెర ప్రేక్ష‌కుల‌ని అల‌రించే బిగ్ బాస్ రియాలిటీ షో సీజ‌న్ 5లో సన్నీ విజేత‌గా నిలిచిన విష‌యం మ‌నంంద‌రికి తెలిసిందే. ఈ షోలో డేరింగ్ అండ్ డ్యాషింగ్ గా క‌నిపించి అంద‌రి మ‌న‌సులు గెలుచుకున్నారు. ఈ క్రమంలో అత‌నిని టైటిల్ వ‌రించింది. అయితే బిగ్ బాస్ విన్నర్ ట్రోఫీ అందుకున్నత‌ర్వాత ఆయ‌న‌కు వరుస సినిమా ఆఫ‌ర్స్ వ‌స్తున్నాయి. ప్ర‌స్తుతం వరుస సినిమాలతో బిజీ బిజీగా ఉన్నాడు. ప్ర‌స్తుతం అన్‌స్టాపబుల్ అనే అవుట్ అండ్ కామెడీ ఎంటర్‌టైనర్ మూవీ చేస్తున్నారు. ఈ చిత్ర షూటింగ్‌లో సన్నీకి ప్రమాదం జ‌రిగిన‌ట్టు తెలుస్తుంది. డమ్మీ బులెట్ ఆయ‌న‌కి తగలడంతో అతడు తీవ్రంగా గాయపడ్డాడ‌ని, వెంటనే అతన్ని ఆస్పత్రికి తరలించినట్లు చెప్పుకొస్తున్నారు.
వీజే సన్నీ, సప్తగిరి, షకలక శంకర్, 30 ఇయర్స్ ఇండస్ట్రీ పృథ్వి నటీనటులుగా డైమండ్ రత్నబాబు దర్శకత్వంలో ‘అన్ స్టాపబుల్’ అనే కామెడీ ఎంటెర్టైనర్ చిత్రం తెర‌కెక్కుతుంది. ఈ మూవీ ప్ర‌మోష‌న్ కోసం చిత్ర ప్రోమోను డైరెక్టర్ షూట్ చేస్తుండగా సన్నీకి ప్రమాదం జరిగింది. పోలీస్ గెటప్ లో ఉన్న సప్తగిరి రివాల్వర్ చూపిస్తూ 30 ఇయర్స్ పృథ్విని ‘అన్ స్టాపబుల్’ మూవీ రిలీజ్ ఎప్పుడని అంటాడు.. అప్పుడు థర్టీ ఇయర్స్ పృథ్వి నాకేం తెలుసు.. అనిసమాధానం చెప్తాడు . ఇక అదే సమయంలో సీన్ లోకి వచ్చిన సన్నీవైపు రివాల్వర్ ఎక్కుపెట్టి సప్తగిరి అతన్ని కూడా రిలీజ్ ఎప్పుడు అని అడుగుతాడు. ఈ క్రమంలో సప్తగిరి చేతిలో ఉన్న రివాల్వర్ పొరపాటున పేల‌డంతో అందులో ఉన్న డమ్మీ బుల్లెట్ సన్నీ వైపు దూసుకెళ్లింది. అది డమ్మీ బుల్లెట్ అయినప్పటికీ అతి సమీపం నుంచి తగలడంతో గాయాలపాలైనట్లు చెబుతున్నారు.
అయితే ప్రమాదం జ‌రిగిన వెంటనే స‌న్నీని స‌మీపంలోని ఆసుపత్రికి తరలించారని సమాచారం. అందుకు సంబంధించిన వీడియో ప్ర‌స్తుతం సోషల్ మీడియాలో వైరలవుతోంది. సన్నీ ఆరోగ్యం ఎలా ఉందా అని అభిమానులు ఆందోళ‌న చెందుతున్నారు. ఇక ఈ సినిమాలో నక్షత్ర, అక్సాఖాన్ హీరోయిన్లుగా నటిస్తుండ‌గా, ‘పిల్లా నువ్వు లేని జీవితం’, ‘ఈడో రకం ఆడో రకం’ వంటి హాస్యా ప్రధాన సినిమాలతో రచయితగా పేరు తెచ్చుకున్న డైరెక్టర్ రత్నబాబు ఈ చిత్రాన్ని తెర‌కెక్కిస్తున్నారు. ఎ2బి ఇండియా ప్రొడక్షన్ లో రజిత్ రావు చిత్రాన్ని నిర్మిస్తున్నారు. ఈ మూవీ హైదరబాద్, నిజామాబాద్, గోవా వంటి పలు ప్రాంతాల్లో షూటింగ్ జ‌రుపుకుంది. జూన్‌లో మూవీని రిలీజ్ చేయనున్న‌ట్టు తెలుస్తుంది.
షూటింగ్ లో బిగ్ బాస్ సన్నీకి ప్రమాదం
బుల్లెట్ తగలడంతో ఆసుపత్రికి తరలింపు#vjsunny #UnstoppableEknath pic.twitter.com/CO3Vqtf3Kn— yenugula somasekhar (@yenugulasomase1) May 12, 2023