మీ డైనింగ్ రూమ్ ని ఇలా అందంగా డెకరేట్ చేయండి ..ఈ క్రింద తెలిపిన కొన్ని పద్దతులు పాటించండి చాలు..!
- డైనింగ్ రూమ్ కి డైనింగ్ టేబుల్ ముఖ్యం. విడిగా గది ఉన్న వాళ్ళు మధ్యలో టేబుల్ ను వేసుకోవచ్చు. స్థలం కలిసి రావాలంటే గోడ ప్రక్కగా వేసుకోవాలి.
- గోడకు పండ్లు, కూరగాయలు ఉన్న సీనరీని అతికించండి. ఆ రూమ్ కే అందం వస్తుంది.
- డైనింగ్ టేబుల్ సైజును బట్టి చిన్నదైనా,పెద్దదైనా తాజా పూలతో ఒక ఫ్లవర్ వాజ్ ను పెట్టుకోవాలి. ఫ్లోటింగ్ అరేంజ్ మెంట్ చేస్తే డైనింగ్ టేబుల్ కే అందం వస్తుంది.
- డైనింగ్ టేబుల్ మీద డిమ్ లైట్ అరేంజ్ చేసుకుంటే మూన్ లైట్ డిన్నర్ చేసినట్లుంటుంది.
- అలమారాలో జ్యూస్ సెట్, టీసెట్, టిఫిన్ ప్లేట్స్ పింగాణీవి అమర్చుకోవాలి. వీటిని కొందరు హాలులో అలంకార వస్తువులుగా పెడతారు. వీటికి అనువైన స్థలం డైనింగ్ రూమ్ మాత్రమే అని గుర్తించాలి.
- ఓ ప్రక్కగా సింక్, దాని ప్రక్కన హోల్డర్, అందులో రోజూ తాజా నాప్ కిస్ పెట్టడం మరచిపోకూడదు. సింక్ పైన మిర్రర్ కూడా ఉండాలండీ !
- ప్లాస్టిక్ అరిటాకులు దొరుకుతున్నాయి. వాటిని వాడితే అందం, ఆనందం కూడా !
- పచ్చడుల కంటైనర్, సాల్ట్, పెప్పర్ స్టాండు లేకపోతే టేబుల్ కి అందం రాదండీ ! ఆకలి వేస్తోందంటున్నారా ! ఇంకెందుకు ఆలస్యం ! కానివ్వండి !
