Baby 2nd day collections : ఈ రేంజ్‌ సక్సెస్‌ ఊహించలేదు.. రెండు రోజుల్లో ఎన్ని కోట్లు రాబట్టిందంటే?

TFN

1 year ago

Baby 2nd day collections : యంగ్ హీరో ఆనంద్ దేవరకొండ, వైష్ణవి చైతన్య నటీనటులు గా రూపొందిన తాజా చిత్రం ‘బేబీ’. యూత్ ఫుల్ ఎంటర్ టైనర్ గా రూపొందిన ఈ సినిమాలో విరాజ్ అశ్విన్ మరో కీలక పాత్ర పోషించాడు. సాయి రాజేష్ దర్శకత్వంలో మాస్ మూవీ మేకర్స్ బ్యానర్‌పై ఎస్‌కెఎన్ బేబీ చిత్రాన్ని నిర్మించారు.

బేబీ సినిమా జూలై 14న విడుదలై ప్రేక్షకుల అంచనాలకు మించి వసూళ్ల వర్షం కురిపిస్తుంది. సాలిడ్ టాక్ తో నిర్మాతలకు కలెక్షన్ల వర్షం కురుస్తోంది. ఫీల్ గుడ్ లవ్ స్టోరీ కావడంతో ముఖ్యంగా యూత్ బేబీ సినిమాపై బ్రహ్మరథం పడుతున్నారు. అందుకు తగ్గట్టుగానే ఈ సినిమా తెలుగు రాష్ట్రాలతో పాటు అమెరికాలో కూడా కలెక్షన్లు దూసుకుపోతున్నాయి.

తొలిరోజు 7 కోట్లకు పైగా గ్రాస్ అందుకున్న బేబీ రెండో రోజు కూడా 7 కోట్లకు పైగా గ్రాస్ రాబట్టింది. బోనాల పండుగ , వీకెండ్ తో కలిసి రావడంతో బేబీ సినిమా రెండు రోజుల్లో ప్రపంచవ్యాప్తంగా 14.3 కోట్ల గ్రాస్ అందుకుంది. ఈ విషయాన్ని బేబీ నిర్మాత ఎస్‌కెఎన్ సోషల్ మీడియా ద్వారా షేర్ చేశారు.

Thank you
Thank you
Thank you
For all the love affection and compliments ❤️
No words
And on the 3rd day (Sunday) Bookings are Sensational, never imagine we'll get such a warm reception
Love u all 🙏❤️#BabyTheMovie @sairazesh @ananddeverkonda @viraj_ashwin @iamvaishnavi04… pic.twitter.com/PvA5qLSXgv

— SKN (Sreenivasa Kumar) (@SKNonline) July 16, 2023

బేబీ సినిమాపై కురిపించిన ప్రేమకు ప్రేక్షకులకు కృతజ్ఞతలు తెలిపారు నిర్మాత ఎస్‌కెఎన్. అలాగే మూడో రోజు కూడా అడ్వాన్స్ బుకింగ్స్ ఫుల్ అయ్యాయని, ఈ రేంజ్ సక్సెస్ ఊహించలేదని నిర్మాత ఆనందం వ్యక్తం చేశారు. తెలంగాణలో ప్రస్తుతం బోనాలు నడుస్తున్నాయి. మరోవైపు మహావీరుడు, నాయక డబ్బింగ్ సినిమాలు కావడంతో ప్రేక్షకులు బేబీకి ఓట్లు వేస్తున్నారు. కలెక్షన్ల రూపంలోనూ అదే కనిపిస్తోంది. బేబీ చిత్రానికి విజయ్ బుల్గానిన్ పాటలు, బీజీఎం ప్రత్యేక ఆకర్షణగా నిలిచాయి.