Bigg Boss Telugu 6: బిగ్ బాస్ తెలుగు షో ఇప్ప‌టి వ‌ర‌కు ఐదు సీజ‌న్స్ పూర్తి చేసుకోగా, ఒక నాన్‌స్టాప్ షో కూడా జరిగింది. వీటిలో ఎవ‌రి మధ్య లేని కెమిస్ట్రీ ఇప్పుడు మ‌న‌కు సీజ‌న్ 6లో క‌నిపిస్తుంది. శ్రీసత్య కోసం అర్జున్ పిచ్చోడైపోతున్నాడు. ఆమె కోసమే చాలా ప‌రిత‌పిస్తున్నాడు. ఆమె కోసం ఏదైన త్యాగం చేయ‌ల‌నిపిస్తే ఒక్క నిమిషం కూడా ఆగ‌కుండా స్టెప్ తీసుకుంటున్నాడు. సోమవారం ఎపిసోడ్‌లో శ్రీ స‌త్య కోసం అర్జున్ నామినేష‌న్‌లోకి వెళ్లాడు.ఈ వారం నామినేషన్ ప్రకియ మొత్తం రసవత్తరంగా సాగింది. నామినేషన్ ప్రక్రియలో భాగంగా బిగ్ బాస్ ఇద్దరిద్ద‌రిని పిలుస్తారు.
నామినేష‌న్స్‌లో ఎవ‌రంటే..
ఇందులో ఎవరు నామినేట్ కావాలో.. ఎవరు సేవ్ కావాలో వాళ్లే తేల్చుకోవాలి అని బిగ్ బాస్ తెలిపారు. ఇక రోహిత్ మెరీనా జంట క‌లిసిక‌ట్టుగా స‌రిగ్గా ఆడ‌డం లేద‌ని, విడిగా ఆడాలంటూ బిగ్ బాస్ చెప్ప‌డంతో అంద‌రు నోరెళ్ల‌పెడ‌తారు.ఇక నామినేషన్ ప్ర‌క్రియ‌ని మొద‌లు పెడుతూ… ముందుగా బిగ్ బాస్ మెరీనా, రోహిత్ లనే పిలిచారు. ఇద్దరి చేతికి కెప్టెన్ కీర్తి బేడీలు వేయ‌గా, ఇద్ద‌రు అభిప్రాయాలు చెప్పుకున్న తర్వాత.. మెరీనా రోహిత్ కోసం త్యాగం చేస్తూ నామినేట్ అయింది. దీనితో రోహిత్ సేవ్ అయ్యాడు.
ఇక ఇనయా, శ్రీహన్ లని బిగ్ బాస్ పిలిచారు. వీరిద్ద‌రి మధ్య ప‌చ్చ‌గ‌డ్డి వేస్తే భ‌గ్గుమంటుంది. శ్రీహన్ మాటలకు ఇనయా కోపగించుకోవ‌డ‌మే కాదు, నువ్వు నాకు ఫ్రెండ్ ఏంటి అంటూ ఇన‌యనే నామినేట్ ఐంది. సుదీప, వాసంతి ఇద్దరూ నామినేషన్ ప్రక్రియలో పాల్గొనగా వాసంతి నామినేట్ అయింది. శ్రీసత్య, అర్జున్ లని బిగ్ బాస్ పిల‌వ‌గా, ఎప్ప‌టిలానే అర్జున్ తానే నామినేట్ అవుతున్నట్లు ప్రకటించుకున్నాడు. ఇక ఆది రెడ్డి, రేవంత్ మధ్య హీట్ అండ్ ఎమోషనల్ చర్చ జరిగింది. చివరకి నేనే ఫైట్ చేస్తా అంటూ ఆదిరెడ్డి నామినేషన్ తీసుకోగా, సూర్య కోసం ఫైమా త్యాగం చేసి ఈ వారం నామినేషన్స్ లోకి వెళ్ళింది. మొత్తంగా ఈ వారం మెరీనా, ఇనయా, వాసంతి, అర్జున్, ఆది రెడ్డి, ఫైమా, ఆదిత్య, చంటి నామినేట్ కాగా, చివర్లో రేవంత్, ఫైమా బయట విషయాలు మాట్లాడుతున్నందుకు బిగ్ బాస్ స్వీట్‌ వార్నింగ్ ఇచ్చారు.