జబర్దస్త్ కమెడియన్ పంచ్ ప్రసాద్ (Punch Prasad) ప్రస్తుతం తీవ్ర అనారోగ్యంతో బాధపడుతున్నారు, ముఖ్యంగా కిడ్నీ సంబంధిత సమస్యలను ఎదుర్కొంటున్నారు మరియు ప్రస్తుతం డయాలసిస్ చికిత్స పొందుతున్నారు.
క్రమం తప్పకుండా డయాలసిస్ చేయించుకుంటున్నప్పటికీ, అతని ఆరోగ్యంలో ఎటువంటి మెరుగుదల లేకపోవడంతో అతన్ని మళ్లీ ఆసుపత్రికి తరలించారు. తోటి కమెడియన్ నూకరాజు సోషల్ మీడియాలో పంచ్ ప్రసాద్ పరిస్థితి విషమంగా ఉందని, చాలా ఖర్చుతో కూడిన ఆపరేషన్ అని, అందుకు దాతలు సాయం చేయాలని , పంచ్ ప్రసాద్ యూట్యూబ్ ఛానెల్‌లో ఆయన ఆరోగ్య పరిస్థితిని ప్రస్తావిస్తూ వీడియో విడుదల చేశారు.
Read more : Punch Prasad : పంచ్ ప్రసాద్ కి చాలా సీరియస్.. సహాయం చేయాలంటూ వీడియో..
పంచ్ ప్రసాద్ ఆరోగ్య పరిస్థితిని ఆంధ్రప్రదేశ్ మంత్రి రోజా ముఖ్యమంత్రి జగన్మోహన్ రెడ్డి దృష్టికి తీసుకెళ్లారు. దీనిపై స్పందించిన సీఎం జగన్, సీఎం రిలీఫ్ ఫండ్ ద్వారా పంచ్ ప్రసాద్ కి వైద్య సహాయం అందించాలని ఆదేశించారు.
ప్రస్తుతం యశోద ఆసుపత్రిలో చికిత్స పొందుతున్న ప్రసాద్‌ను ఆంధ్రప్రదేశ్ ప్రభుత్వం సిఎం రిలీఫ్ ఫండ్ ద్వారా ఆదుకుంటుంది. ఆంధ్రప్రదేశ్ ముఖ్యమంత్రి సహాయనిధికి సంబంధించిన అన్ని కార్యక్రమాలను పర్యవేక్షిస్తున్న డాక్టర్ మామిడి హరికృష్ణను ఒక నెటిజన్ ట్యాగ్ చేయగా, సీఎం ప్రత్యేక కార్యదర్శి డాక్టర్ హరికృష్ణ నుంచి స్పందన వచ్చింది.
My team is following up with the family and guiding them in LOC application process. We will LOC under CMRF for renal transplantation as soon as we complete the documents verification.#YSJaganCares https://t.co/CAkeihv0VR
— Dr Hari Krishna (@HariKrishnaCMO) June 8, 2023
ప్రసాద్ కుటుంబ సభ్యులతో తమ బృందం ఇప్పటికే సంప్రదింపులు జరుపుతోందని, అందుకు అవసరమైన పేపర్ వర్క్ ను సులభతరం చేసేందుకు కృషి చేస్తున్నామని వెల్లడించారు. పత్రాలను పరిశీలించిన తర్వాత, ఆమోదం ప్రక్రియ వెంటనే ప్రారంభమవుతుంది. ప్రసాద్‌కు త్వరలో శస్త్ర చికిత్స జరిగి ఆరోగ్యం బాగుపడాలని నెటిజన్లు ఆకాంక్షించారు.