తాజాగా క్రేజీ హీరో సిద్ధు జొన్నలగడ్డ సరసన అనుపమ పరమేశ్వరన్ హీరోయిన్ గా నటించే ఛాన్స్ కొట్టేసింది. కెరీర్ మధ్యలో బ్రేక్ తీసుకున్న అనుపమ పరమేశ్వరన్ మళ్లీ వరుసగా హీరోయిన్ అవకాశాలను అందుకుంటుంది. ఆ మధ్య రౌడీ బాయ్స్ సినిమాలో నటించి హిట్ కొట్టిన అనుపమ.. యంగ్ హీరో నిఖిల్ సరసన బ్యాక్ టు బ్యాక్ రెండు సినిమాల్లో హీరోయిన్ గా నటించింది. వీటిలో ఒకటి కార్తికేయ సీక్వెల్ కార్తికేయ 2 కాగా, మరొకటి 18 పేజెస్.
డీజే టిల్లు సీక్వెల్ లో
ఈరోజు కార్తికేయ 2 ప్రేక్షకుల ముందుకు వచ్చింది. ఇప్పటికే సినిమాకు హిట్ టాక్ కూడా వచ్చింది. ఇక సినిమా 18 పేజెస్ విడుదల కావాల్సి ఉంది. అయితే ఇప్పుడు తాజాగా ఓ వార్త వైరల్ అవుతోంది. డీజే టిల్లు సినిమాతో పాపులర్ అయిన యంగ్ హీరో సిద్ధు జొన్నలగడ్డ ఇప్పుడు ఈ సినిమా సీక్వెల్ లో నటించబోతున్నాడు. ఎలాంటి అంచనాలు లేకుండా వచ్చిన డీజే టిల్లు బ్లాక్ బస్టర్ అయింది. పెద్ద సినిమాలు ఉన్నప్పటికీ బాక్సాఫీస్ వద్ద మంచి కలెక్షన్లు రాబట్టింది.
అనుపమకు అవకాశం
నేహాశెట్టి అందచందాలు, సిద్ధు జొన్నలగడ్డ మాస్ పెర్ఫార్మెన్స్ సినిమాకు హైలైట్‌గా నిలిచాయి. అయితే ఈ సినిమా సీక్వెల్ లో కూడా సిద్ధు జొన్నలగడ్డ సరసన నేహా శర్మ హీరోయిన్ గా నటిస్తుందని అనుకుంటున్నారు. కానీ, ఆ అవకాశం అనుపమకు దక్కిందని అంటున్నారు. సోషల్ మీడియాలో కూడా ఇదే వార్త వైరల్ అవుతోంది. మరి అధికారిక ప్రకటన ఎప్పుడు వస్తుందో చూడాలి.
మరిన్ని వార్తలు చదవండి
కియారాతో ప్రేమ నిజమే..కాఫీ విత్ కరణ్ షో లో సిద్ధార్థ్
మహేష్ బాబు తో మాస్ మసాలా యాక్షన్ మూవీ : త్రివిక్రమ్