Anil Ravipudi: ప్రస్తుతం టాలీవుడ్ ఇండస్ట్రీలో ఉన్న మోస్ట్‌ సక్సెస్ ఫుల్ డైరెక్టర్లలో అనిల్ రావిపూడి ఒకరు. హీరోతోపాటు సమానంగా ఫ్యాన్ ఫాలోయింగ్ సంపాదించుకున్న అత‌ను స్టార్స్ తో తెగ సంద‌డి కూడా చేస్తుంటాడు. తనదైన కామెడీ పంచులతో వెండితెరపైనే కాకుండా రియాల్టీలోనూ తన పక్కనవారిని ఎంత‌గానో నవ్విస్తుంటారు. కేవలం దర్శకుడిగానే కాకుండా.. అనిల్ రావిపూడి మల్టీటాలెంటెడ్ . సినిమాలు.. లేదా వేరే చిత్రాల ప్రమోషన్స్.. ఇంటర్వ్యూస్, షోస్ ఇలా ఎక్కడున్నా తన మాటలతో.. కామెడీతో తెగ సంద‌డి చేస్తుండ‌డం మ‌నం చూస్తూనే ఉన్నాం.
ఆర్ఆర్ఆర్ సినిమా ప్ర‌మోషన్ కోసం ఇద్ద‌రు హీరోల‌ని ఇంట‌ర్వ్యూ కూడా చేశాడు అనీల్ రావిపూడి. ఇప్పటి వరకు ఆయన తీసిన సినిమాలన్నీ సూపర్ డూపర్ హిట్స్ గా నిలిచాయి.. ముందు మాటల రచయితగా సినిమా పరిశ్రమలోకి వచ్చిన అనిల్ రావిపూడి శౌర్యం, శంఖం,కందిరీగ, ఆగడు, పండగ చేస్కో వంటి సినిమాలకి మాటల రచయితగా పనిచేశాడు. ఆ తర్వాత పటాస్‌తో డైరెక్ట‌ర్‌గా మారి కళ్యాణ్ రామ్‌కు భారీ హిట్‌ను ఇచ్చాడు. భార్య భర్తల మధ్య గొడవలు, కుటుంబ సమస్యలను తన సినిమాలోకి వాడి తెగ వినోదం పంచుతూ ఉంటాడు.
ఎఫ్ -3 సక్సెస్ తర్వాత ప్రస్తుతం ఆయన బాలకృష్ణ 108వ సినిమా చేస్తున్నారు. ఈ సినిమాపై అంద‌రిలో భారీ అంచ‌నాలు ఉన్నాయి. కామెడీ డైరెక్ట‌ర్ బాలయ్య లాంట సీరియ‌స్ వ్య‌క్తితో ఎలాంటి సినిమా చేస్తాడా అని అంద‌రు ముచ్చ‌టించుకుంటున్నారు. ప్రస్తుతం బాలయ్య ఫ్యాన్స్ ఫుల్ ఫైర్ లో ఉన్నారు. వీరిని ఖుషీ చేసేందుకు స్వయంగా రంగంలోకి దిగాడు అనిల్ రావిపూడి. ఎఫ్ -3 సినిమా సమయంలో కుర్రాడు బాబోయ్ సాంగ్ కు హీరోలతో కలిసి అదిరిపోయే స్టెప్పులేసి అల‌రించిన అనీల్ రావిపూడి..ఇప్పుడు మరో సారి డ్యాన్స్ చేసి ఆయన హీరోలకు ఏమాత్రం త‌క్కువ కాద‌ని నిరూపించాడు..
బాలకృష్ణతో చేస్తున్న సినిమా గురించి ఓ విషయాన్ని ఆయన ఆసక్తికరమైన రీతిలో అభిమానుల‌తో పంచుకున్నారు. ఫైట్ మాస్టర్, డ్యాన్స్ మాస్టర్లతో కలిసి కాలు కదుపుతూ.. అదిరిపోయే స్టెప్పులు వేసి అల‌రించాడు అనీల రావిపూడి.. ‘నట్టు లూజు దానా బాలయ్య, బాలయ్య..ఫిట్టు చేయరానా’ అంటూ లారీ డ్రైవర్ సినిమాలోని పాటకు తనదైన శైలిలో స్టెప్పులు వేసి అల‌రించాడు. ప్రస్తుతం ఈ రీల్ వీడియో నెట్టింట తెగ వైరల్ అవుతుంది. దీనికి నెటిజన్ల నుండి ప్ర‌శంస‌ల వ‌ర్షం కురుస్తుంది. మీరు హీరోగా కూడా ట్రై చేయొచ్చు కదా అని కొంద‌రు స‌ల‌హాలు ఇస్తున్నారు. ఇక బాలయ్య 108వ సినిమాలో కాజల్ అగర్వాల్, యంగ్ బ్యూటీ శ్రీలీల క‌థానాయిక‌లుగా నటిస్తున్నారు.