Amitabh Bachchan : బాలీవుడ్ సీనియర్ నటుడు అమితాబ్ బచ్చన్ , ప్రభాస్ (prabhas) ప్రాజెక్ట్ కే (project K) షూటింగ్ సమయంలో ప్రమాదానికి గురయ్యారు. షూటింగ్ సెట్‌లో జరిగిన చిన్న ప్రమాదం వల్ల తనతో పాటు మరికొందరు యూనిట్ సభ్యులు గాయపడ్డారని అమితాబ్ తెలిపారు. కొద్ది రోజుల క్రితం సొంతంగా బ్లాగ్ క్రియేట్ చేసుకున్న అమితాబ్.. తన జీవితంలో జరిగిన విషయాలను షేర్ చేసుకుంటున్నారు.
రీసెంట్ గా ప్రాజెక్ట్ కే సినిమా సెట్ లో ప్రమాదానికి గురయ్యానని చెప్పాడు. ఈ సినిమా షూటింగ్ కొన్ని రోజులుగా హైదరాబాద్‌లో శరవేగంగా జరుగుతోంది. ఈ సినిమాలో ఓ యాక్షన్ సీన్ షూట్ చేస్తుండగా ప్రమాదం జరిగిందని.. గాయపడ్డానని చెప్పాడు. ప్రస్తుతం ముంబైలోని తన నివాసంలో విశ్రాంతి తీసుకుంటున్నట్లు తెలిపారు.
”హైదరాబాద్‌లో ‘ప్రాజెక్ట్ కె’ షూటింగ్‌లో యాక్షన్ షాట్‌లో ప్రమాదం జరిగింది. వెంటనే ఏఐజీ ఆస్పత్రి వైద్యులను సంప్రదించగా.. సీటీ స్కాన్ చేశారు. మిగిలిన వారు ఇంకా చికిత్స పొందుతున్నారు. ప్రస్తుతం నేను ఇంట్లో ఉండి విశ్రాంతి తీసుకుంటున్నాను. నా గాయం ఇంకా కొంచెం నొప్పిగా ఉంది.
కదలడానికి, ఊపిరి పీల్చుకోవడానికి కొంచెం ఇబ్బందిగా ఉంది. కోలుకోవడానికి కొన్ని వారాలు పడుతుంది. నేను నొప్పికి కొన్ని మందులు వాడుతున్నాను. గాయం కారణంగా, అన్ని కార్యకలాపాలు నిలిచిపోయాయి. చికిత్స పూర్తయ్యే వరకు ఏ పనీ చేయవద్దు. ఫోన్ ద్వారా ముఖ్యమైన పనికి హాజరవుతారు. ఈ సాయంత్రం అభిమానులను కలవలేరు. అందుకే ఎవరూ రారు’’ అని అమితాబ్ తన బ్లాగ్‌లో పేర్కొన్నారు.
యంగ్ రెబల్ స్టార్ ప్రభాస్, దీపికా పదుకొణె జంటగా దర్శకుడు నాగ్ అశ్విన్ తెరకెక్కిస్తున్న చిత్రం ప్రాజెక్ట్ కే.భారీ బడ్జెట్ తో నిర్మితమవుతున్న ఈ సినిమాపై ఇప్పటికే భారీ అంచనాలు నెలకొన్నాయి. ఇటీవల విడుదలైన ఫస్ట్ లుక్ పోస్టర్లు సినిమాపై మరింత క్యూరియాసిటీని పెంచాయి.. ఇందులో అమితాబ్ బచ్చన్ కీలక పాత్రలో నటిస్తున్నారు. ఈ సినిమా వచ్చే ఏడాది జనవరి 12న ప్రేక్షకుల ముందుకు రానుంది.
Also Read :
pomegranate : దానిమ్మతో గుండె భద్రం.. బోలెడన్ని ప్రయోజనాలు
Kiara Advani Latest Photos at WPL Opening Ceremony 2023, Videos